જરૂરી કામ હોય તો પણ આ પ્રોફેશનના લોકો ટ્રેનમાં નહીં જ ચઢી શકે : બૉમ્બે હાઈ કોર્ટનો ચુકાદો

ન્યુઝ કન્ટિન્યુઝ બ્યુરો

મુંબઈ, ૨૨ મે ૨૦૨૧

શનિવાર

મુંબઈમાં કામ કરતા વકીલો દ્વારા લોકલ ટ્રેનમાં પ્રવાસ કરવા માટેની પરવાનગી માગતી અરજી બૉમ્બે હાઈ કોર્ટમાં કરવામાં આવી હતી, પરંતુ આ અરજીને હાઈ કોર્ટે માન્ય રાખી નથી. વકીલોએ દલીલ કરી હતી કે કાયદેસરના કામ માટે તેમણે એકથી બીજી જગ્યાએ જવું પડે છે. અમુક વખત સરકારી કામ માટે તેમણે ધક્કા ખાવા પડે છે. આ પરિસ્થિતિમાં વકીલોને લોકલ ટ્રેનમાં ટ્રાવેલિંગની પરવાનગી હોવી જોઈએ. જોકે બૉમ્બે હાઈ કોર્ટે આ માટે સ્પષ્ટ મનાઈ કરી દીધી છે. બૉમ્બે હાઈ કોર્ટે જણાવ્યું કે જો આ પ્રકારનો નિર્ણય લેવામાં આવશે તો લોકલ ટ્રેનમાં ભીડ વધી જશે. એથી વકીલોને લોકલ ટ્રેનમાં ટ્રાવેલિંગની પરવાનગી આપવામાં આવી નથી.