ન્યુઝ કન્ટિન્યુઝ, બ્યુરો
મુંબઈ, 11 જૂન 2021
શુક્રવાર
મુંબઈ મહાનગરપાલિકા દરેક કામમાં ઊણી ઊતરે છે, ત્યારે વેક્સિંગ ખરીદવાની બાબતમાં પણ સાવ આળસુ અને નીરસ જણાઈ આવી છે. કેન્દ્ર સરકારે કાયદો બનાવ્યો કે મુંબઈ મહાનગરપાલિકા જેવી તમામ મહાનગરપાલિકા અને રાજ્ય સરકાર આશરે 25 ટકા વેક્સિનનો જથ્થો ખુલ્લા બજારમાંથી ખરીદી શકશે. તેમણે ખુલ્લા બજારમાંથી જથ્થો ખરીદ્યો તો ખરો, પરંતુ પોતાની ક્ષમતા કરતાં ઓછો. મુંબઈ મહાનગરપાલિકાએ પોતાની ક્ષમતા કરતાં આશરે ૧૭ ટકા જેટલો ઓછો વેક્સિનનો સ્ટૉક ખુલ્લા બજારમાંથી ખરીદ્યો. મોટી વાત એ છે કે આ સમયગાળા દરમિયાન પ્રાઇવેટ હૉસ્પિટલોએ બજારમાંથી મોટા પાયે વેક્સિન ખરીદી લીધી. એકલા મુંબઈ શહેરમાં ૧૫ લાખથી વધુ વેક્સિન ખરીદી લેવામાં આવી. આજની તારીખમાં પણ મુંબઈની હૉસ્પિટલોમાં એટલી મોટી સંખ્યામાં વેક્સિન ઉપલબ્ધ છે કે પ્રાઇવેટ હૉસ્પિટલમાંથી આસાનીથી વેક્સિન મળી શકે છે.
જ્યારે સરકારી વેક્સિન સેન્ટરને નેટ બંધ રાખવાની નોબત આવી છે.
