News Continuous Bureau | Mumbai
Mumbai Rent: સપનાના શહેર મુંબઈમાં જમીનના ભાવ આસમાને પહોંચી ગયા છે. આ જ કારણ છે કે મુંબઈ મહાનગરમાં પોતાનું ઘર મેળવવું ખુબ મુશ્કેલ કામ છે. આ ઉપરાંત અહીં ભાડાના ઘરમાં રહેવું પણ હવે ઘણું મોઘું થઈ ગયું છે. આવી જ વ્યથ્યા જ્યારે એક યુવતીએ સોશિયલ મિડીયા પર પોસ્ટ શેર કરી તો તેમાં લોકોની કોમેન્ટનો પૂર આવી ગયો હતો. આ પોસ્ટમાં યુવતીએ જણાવ્યું હતું કે, મુંબઈમાં 1 બેડરૂમના ફ્લેટનું ( 1 BHK Flat ) ભાડું હવે રુ. 50 હજારને વટાવી ગયું છે. તેથી તેણે દરેકને સલાહ આપી કે સ્વતંત્ર બનવાના નામે તમારા માતા-પિતા સાથે સંબંધો બગાડવાની જરૂર નથી.
વ્યવસાયે વકીલ અને મુંબઈના રહેવાસી વિટાએ સોશિયલ મીડિયા પ્લેટફોર્મ X પર પોસ્ટ શેર કરતા લખ્યું હતું કે, મુંબઈમાં રિયલ એસ્ટેટ ( real estate ) ક્ષેત્રમાં ઘરનો કિંમતો હાલ ઝડપથી વધી રહી છે. તેમજ મુંબઈમાં હવે ઘરના ભાડા ( House Rent ) પણ ખૂબ જ વધી ગયા છે. અંધેરી અને બાંદ્રા જેવા વિસ્તારોમાં નાના 1 BHK ફ્લેટનું ભાડું 50 થી 70 હજાર રૂપિયા થઈ ગયું છે. કારણ કે મોટાભાગની ઓફિસો પણ આ વિસ્તારમાં છે. હવે સમય આવી ગયો છે કે લોકોએ તેમના પારિવારિક લક્ષ્યો વિશે ફરીથી વિચારવું જોઈએ.
1 bhk 50-70 hazar ka mil raha hai mumbai mein maa baap se bana ke rakho bhai koi zarurat nahi hai independent hone ke liye ghar se bhaagne ki
— vita (@kebabandcoke) June 8, 2024
Mumbai Rent: સ્વતંત્ર રહેવાના નામે તમારા પરિવારથી અલગ થવાનો વિચાર ન કરો…
વિટાએ વધુમાં પોસ્ટમાં લખ્યું હતું કે, સ્વતંત્ર રહેવાના નામે તમારા પરિવારથી અલગ થવાનો વિચાર ન કરો. તમારે ફક્ત તમારા પરિવાર સાથે રહેવું જોઈએ. મુંબઈમાં ભાડા પર ફ્લેટ મેળવવો હાલ ખૂબ જ મુશ્કેલ કામ છે. તમારા જાત મહેનથી કમાયેલા પૈસા પણ આમાં વેડફાઈ જશે. તેથી તમે તમારા માતાપિતા સાથે સારા સંબંધો જાળવી રાખો. ઘરથી દૂર થવાની ઉતાવળ ન કરો. સ્વતંત્ર જીવન માણવા માટે ઘરેથી ભાગવાની જરૂર નથી. તેણે આગળ લખ્યું હતું કે, નોકરિયાત વર્ગોએ પગારમાંથી આટલો મોંઘો ફ્લેટ ખરીદવો અને પોતાનું જીવન જીવવું ખૂબ જ મુશ્કેલ છે.
આ સમાચાર પણ વાંચો : RSS: નાગપુરમાં આરએસએસ સંઘ ખાતે અંબાણીના જમાઈ પીરામલની હાજરી બાદ, હવે ફરી અપક્ષ અને વિપક્ષ વચ્ચે ફરી નવો વિવાદ ઉભો થવાની શક્યતા
વિટાની આ પોસ્ટ થોડા જ સમયમાં ખુબ વાયરલ ( Viral Post) થઈ ગઈ હતી અને લોકોએ આ પોસ્ટ પર ઘણી રસપ્રદ કોમેન્ટ્સ પણ કરી હતી. આ પોસ્ટને એક લાખથી વધુ વ્યૂઝ મળ્યા છે. જેમાં ઘણા લોકો તેને મુંબઈના સસ્તા વિસ્તારો વિશે પણ માહિતી આપવા લાગ્યા હતા. તો એક યુઝરે આ પોસ્ટ પર કમેન્ટ કરતા લખ્યું હતું કે, સસ્તી અને સારી જગ્યાઓ મલાડ અને ગોરેગાંવ છે. અહીં તમને 25 હજાર રૂપિયામાં ફ્લેટ મળી જશે. જોકે, વિટાને આ સલાહ પસંદ ન આવી હતી અને તેણે આ અંગે ઉત્તર આપતા લખ્યું હતું કે, મને આ અંગે જ્ઞાન આપવાની જરુર નથી, કારણ કે મને મુસાફરી કરવી પસંદ નથી. મને ઓફિસથી નજીક રહેવું વધુ ગમે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
