News Continuous Bureau | Mumbai
મહારાષ્ટ્રના નાયબ મુખ્યમંત્રી અને NCP ના દિગ્ગજ નેતા અજીત પવારના આકસ્મિક નિધનથી સમગ્ર રાજ્યમાં શોકનું મોજું ફરી વળ્યું છે. ૨૮ જાન્યુઆરીએ બારામતી પાસે થયેલા વિમાન અકસ્માતમાં અજીત દાદા સહિત ૫ લોકોના મોત થયા હતા. આ દુઃખદ ઘટનાને કારણે ખાલી પડેલી બારામતી વિધાનસભા બેઠક માટે હવે પક્ષે સુનેત્રા પવારનેમેદાનમાં ઉતારવાનો નિર્ણય લીધો છે.ચૂંટણી પંચ દ્વારા બારામતી પેટાચૂંટણીની તૈયારીઓ શરૂ કરી દેવામાં આવી છે. NCP ની કોર કમિટીની બેઠકમાં સુનેત્રા પવારના નામ પર એકમતી સધાઈ છે. પક્ષનો પ્રયાસ રહેશે કે આ ચૂંટણી બિનહરીફ થાય. ૧૦ માર્ચે મતદાર યાદી પ્રસિદ્ધ થયા બાદ ગમે ત્યારે ચૂંટણીની સત્તાવાર જાહેરાત થઈ શકે છે.
સુનેત્રા પવાર સંભાળશે બારામતીનો ગઢ
અજીત પવારના અવસાન બાદ બારામતીની જનતામાં ભારે આક્રોશ અને દુઃખની લાગણી છે. સુનેત્રા પવાર અત્યારે રાજ્યના નાયબ મુખ્યમંત્રી પદની જવાબદારી સંભાળી રહ્યા છે અને હવે તેઓ બારામતી વિધાનસભાની પેટાચૂંટણી લડીને અજીત દાદાનો વારસો આગળ ધપાવશે. પ્રફુલ્લ પટેલ અને સુનીલ તટકરે જેવા વરિષ્ઠ નેતાઓની હાજરીમાં આ નિર્ણય લેવાયો છે.
આ સમાચાર પણ વાંચો : Maharashtra Weather Alert: ખેડૂતોની ચિંતા વધી: મહારાષ્ટ્રના અનેક વિસ્તારોમાં કમોસમી વરસાદ અને કરા પડવાનું સંકટ; જાણો તમારા જિલ્લાની સ્થિતિ.
પાર્થ પવાર જશે રાજ્યસભામાં?
કોર કમિટીની બેઠકમાં વધુ એક મહત્વનો નિર્ણય લેવામાં આવ્યો છે. સૂત્રોના જણાવ્યા મુજબ, અજીત પવારના પુત્ર પાર્થ પવારને રાજ્યસભામાં મોકલવાનું નક્કી કરવામાં આવ્યું છે. આગામી સમયમાં યોજાનારી રાજ્યસભાની ચૂંટણી માટે NCP તરફથી પાર્થ પવારનું નામ નિશ્ચિત માનવામાં આવી રહ્યું છે. સુનેત્રા પવારની હાજરીમાં જ આ નિર્ણય પર સત્તાવાર મહોર લાગી છે.
અજીત દાદાના અકસ્માતથી મહારાષ્ટ્ર સ્તબ્ધ
૨૮ જાન્યુઆરી ૨૦૨૬ ના રોજ બારામતી નજીક અજીત પવારનું હેલિકોપ્ટર/વિમાન ક્રેશ થયું હતું. આ દુર્ઘટનામાં મહારાષ્ટ્રના રાજકારણના ‘દાદા’ ગણાતા અજીત પવારનું અવસાન થયું. ત્યારથી બારામતીના લોકોમાં આઘાતની લાગણી છે. હવે જ્યારે પરિવારમાંથી જ સુનેત્રા પવાર નેતૃત્વ સંભાળવા આગળ આવ્યા છે, ત્યારે લોકો તેમને સમર્થન આપે તેવી પૂરેપૂરી શક્યતા છે.
