News Continuous Bureau | Mumbai
Vile Parle Fire મુંબઈના વિલે પાર્લે (Vile Parle) વિસ્તારમાં આવેલી એક રહેણાંક ઇમારતમાં અચાનક ભીષણ આગ લાગતાં (Fire Accident) મોટી દુર્ઘટના સર્જાઈ છે. આ ગમખ્વાર અગ્નિશાંડમાં માત્ર ૨.૫ વર્ષના માસૂમ બાળક અબીર અને ૨૩ વર્ષીય યુવતી અંકિતાનું કરૂણ મોત નીપજ્યું છે, જ્યારે અન્ય ૪ લોકો ગંભીર રીતે દાઝી જતાં તેમને સારવાર અર્થે નજીકની હોસ્પિટલમાં ખસેડવામાં આવ્યા છે.
Vile Parle Fire – અચાનક ફાટી નીકળેલી આગ અને ધુમાડાના ગોટેગોટ
મળતી વિગતો અનુસાર, વિલે પાર્લે સ્થિત રહેણાંક મકાનમાં અચાનક અજાણ્યા કારણોસર આગ ફાટી નીકળી હતી. જોતજોતામાં આગે રૌદ્ર સ્વરૂપ ધારણ કરી લીધું હતું અને આખા મકાનમાં કાળો ડિબાંગ ધુમાડો ફરી વળ્યો હતો. ઘરમાં રહેલા સભ્યોને બહાર નીકળવાનો મોકો મળે તે પહેલાં જ આગની ઝાળોએ તેમને લપેટમાં લઈ લીધા હતા. આકસ્મિક રીતે લાગેલી આગને કારણે વિસ્તારમાં ભારે અફરાતફરી અને ચીસિયારીઓ મચી ગઈ હતી.
Vile Parle Fire – માસૂમ બાળક અને યુવતીનું દુઃખદ અવસાન
આ દુર્ઘટનામાં ૨.૫ વર્ષના બાળક અને ૨૩ વર્ષીય યુવતી ધુમાડામાં ગૂંગળાઈ જવાને કારણે તથા આ ગંભીર રીતે દાઝી જવાથી દમ તોડી બેઠા હતા. અગ્નિશામક દળના (Fire Brigade) જવાનોએ ઘટનાસ્થળે પહોંચીને કલાકોની જહેમત બાદ આગ પર કાબૂ મેળવ્યો હતો. બચાવ ટુકડીએ ઘરમાં ફસાયેલા અન્ય ૪ લોકોને બહાર કાઢીને તાત્કાલિક સારવાર માટે નજીકની મહાનગરપાલિકા હોસ્પિટલમાં ભરતી કરાવ્યા છે.
Vile Parle Fire – શોર્ટ સરકિટની આશંકા અને પોલીસ તપાસ શરૂ
આગ લાગવાનું પ્રાથમિક કારણ શોર્ટ સરકિટ (Short Circuit) હોવાની આશંકા વ્યક્ત કરવામાં આવી રહી છે. સ્થાનિક પોલીસ અને ફાયર બ્રિગેડના અધિકારીઓ દ્વારા આ અકસ્માત અંગે કાયદેસરની તપાસ શરૂ કરવામાં આવી છે. આ ગમખ્વાર ઘટનાને પગલે સમગ્ર વિલે પાર્લે વિસ્તારમાં ભારે શોકની કાલિમા છવાઈ ગઈ છે અને સ્થાનિક રહીશોમાં અરેરાટી વ્યાપી ગઈ છે.
👉 આ સમાચાર વાચો:
MHADA New Housing Scheme મ્હાડા બનાવશે ૧૪૦૦ પોસાય તેવા મકાનો, કિંમત માત્ર ₹૨૫ લાખ; જાણો ક્યા વિસ્તારોમાં મળશે આ સસ્તા ઘરો
