News Continuous Bureau | Mumbai
Surat Child Adoption: વડોદરા, જામનગર અને મહારાષ્ટ્રના ત્રણ પરિવારોને સ્પેશ્યલ એડોપ્શન એજન્સી-સુરતના માધ્યમથી સુરતના ચાર અનાથ બાળકોને દત્તક પૂર્વેના ઉછેર માટે જિલ્લા કલેક્ટર ડો. સૌરભ પારધીના હસ્તે સોંપવામાં આવ્યા હતા. દિવાળી પહેલા જ આ ત્રણ પરિવારોમાં દિવાળીની ઉજવણીનો માહોલ સર્જાયો છે.
કતારગામ અનાથ બાળાશ્રમ ( orphanage ) – વી.આર.પોપાવાલા ચિલ્ડ્રન હોમમાં આશ્રય મેળવી રહેલા ૪ બાળકોમાં બે ૬ અને ૪ વર્ષના સગા ભાઈઓ છે. આ બે બાળબંધુઓને વડોદરાના દંપતિને, એક ૪ વર્ષના બાળકને જામનગરના દંપતિ, અને એક અઢી વર્ષના બાળકને મહારાષ્ટ્ર રાજ્યના કલ્યાણના દંપતિને એડોપ્શન રેગ્યુલેશન-૨૦૨૨ ના નિયમો મુજબ દત્તક ( Child Adoption ) પૂર્વના ઉછેર માટે સોંપવામાં આવ્યા હતા. સુરત ( Surat ) કલેક્ટર કચેરી ખાતે આ પરિવારોમાં દિવાળી પહેલા જ દિવાળીની ઊજવણી થઈ રહી હોય એવા ઉમંગભર્યા દ્રશ્યો સર્જાયા હતા.
આ સમાચાર પણ વાંચો : Surat Universal Foundation: સુરતના આ ફાઉન્ડેશનની અનોખી પહેલ, નવરાત્રિમાં માતાજીની આરાધનાના પ્રતિક ગરબાને બનાવ્યો ‘પંખીનો આશરો’..
કલેક્ટરશ્રીએ ( Dr. Saurabh Pardhi ) દત્તક ઈચ્છુક દંપતિઓને બાળકોના ( Surat Child Adoption ) ઉજ્જવળ ભવિષ્ય માટે શુભેચ્છાઓ પાઠવી હતી. સમાજ સુરક્ષા અધિકારીશ્રી જિજ્ઞેશ ચૌધરીના માર્ગદર્શન હેઠળ બાળ સુરક્ષા અધિકારીશ્રી વિજય પરમાર અને કચેરીની ટીમ દ્વારા સમગ્ર પ્રક્રિયા પૂર્ણ કરવામાં આવી હતી.
Disclaimer : Except for the headline, this story has not been edited by News Continuous staff and is published from a syndicated feed.
