News Continuous Bureau | Mumbai
Commercial LPG Price Hike। 1 મે 2026 થી દેશભરમાં કોમર્શિયલ LPG ગેસ સિલિન્ડરના ભાવમાં મોટો વધારો કરવામાં આવ્યો છે. પશ્ચિમ બંગાળ અને આસામ સહિતના રાજ્યોની ચૂંટણીઓ પૂર્ણ થતા જ સરકારી તેલ કંપનીઓએ 19 કિલોના કોમર્શિયલ સિલિન્ડરની કિંમતમાં 993 નો વધારો ઝીંક્યો છે. આ વધારા બાદ કોમર્શિયલ ગેસની કિંમત દિલ્હી અને મુંબઈ જેવા મોટા શહેરોમાં 3,000 ને પાર કરી ગઈ છે.
દિલ્હીમાં નવો ભાવ 3,071.50 પર પહોંચ્યો
મીડિયા રિપોર્ટ અનુસાર, દિલ્હીમાં 19 કિલોના કોમર્શિયલ સિલિન્ડરની કિંમત જે 1 એપ્રિલે 2,078.50 હતી, તે હવે વધીને 3,071.50 થઈ ગઈ છે. જોકે, રાહતની વાત એ છે કે તેલ કંપનીઓએ ઘરેલું વપરાશના (14.2 કિલો) સિલિન્ડરના ભાવમાં કોઈ ફેરફાર કર્યો નથી. આ ભાવ વધારાને કારણે હોટલ, રેસ્ટોરન્ટ અને સ્ટ્રીટ ફૂડના ભાવમાં વધારો થવાની પૂરેપૂરી શક્યતા છે, જેની સીધી અસર સામાન્ય જનતાના ખિસ્સા પર પડશે.
આંતરરાષ્ટ્રીય તણાવ અને સપ્લાયની અસર
આ ભાવ વધારા પાછળ અમેરિકા અને ઈરાન વચ્ચેનો વધતો તણાવ મુખ્ય કારણ માનવામાં આવે છે. પશ્ચિમ એશિયામાં સર્જાયેલા સંકટને કારણે હોર્મુઝની સામુદ્રધુની (Strait of Hormuz) નો રસ્તો બ્લોક થયો છે, જ્યાંથી ભારત મોટા પ્રમાણમાં તેલ અને ગેસની આયાત કરે છે. સપ્લાય ચેઈનમાં આવેલા આ અવરોધને કારણે તેલ કંપનીઓ પર ખર્ચનું દબાણ વધ્યું છે, જેના પરિણામે ગેસના ભાવમાં આટલો મોટો ઉછાળો જોવા મળ્યો છે.
ઘરેલું ગેસના ભાવ યથાવત
ઘરેલું રસોઈ ગેસ (Domestic LPG) ના ભાવમાં કોઈ વધારો કરવામાં આવ્યો નથી. દિલ્હીમાં રસોઈ ગેસનો ભાવ 913, મુંબઈમાં 912.50, ચેન્નાઈમાં 928.50 અને કોલકાતામાં 939 પર સ્થિર છે. છેલ્લે રસોઈ ગેસના ભાવમાં 7 માર્ચ 2026 ના રોજ ફેરફાર કરવામાં આવ્યો હતો. જોકે, કોમર્શિયલ ગેસ મોંઘો થતા બહાર જમવું હવે મોંઘું સાબિત થશે.
👉 આ સમાચાર વાચો:
Today’s Horoscope : આજનો દિવસ:૧ મે ૨૦૨૬, શુક્રવાર, જાણો આપનું રાશિફળ
