બ્રાઝિલે ભારત બાયોટેક સાથે કરવામાં આવેલા કોવૈક્સિનના સોદાને સસ્પેન્ડ કરવાનો નિર્ણય લીધો છે.
બ્રાઝિલમાં આ ડીલને લઈને અનેક સવાલો થઈ રહ્યા હોવાથી 32 કરોડ ડોલરના આ કોન્ટ્રાક્ટને સસ્પેન્ડ કરી દેવામાં આવ્યો છે.
આ ઉપરાંત રાષ્ટ્રપતિ જાયર બોલ્સોનેરો પર ભ્રષ્ટાચાર સંતાડવાના આરોપ પણ લગાવવામાં આવ્યા હતા.
સરકારની તરફથી તેને લઈને સફાઈ અપાઈ પણ કંઈ ફરક પડ્યો નહીં અને કેસ સુપ્રીમ કોર્ટમાં પહોંચ્યો. હવે આ બ્રાઝિલની સરકારે આ બબાલ બાદ ડીલને રદ્દ કરવાનો નિર્ણય લીધો છે.
જોકે બ્રાઝિલના સ્વાસ્થ્ય મંત્રાલય દ્વારા વારંવાર એવો દાવો કરવામાં આવ્યો છે કે, આ ડીલમાં કોઈ પણ પ્રકારની ગરબડ નથી કરવામાં આવી.
