News Continuous Bureau | Mumbai   

Chandrayaan 3 : ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ ચંદ્રયાન-3 ના લેન્ડરને સફળતાપૂર્વક પ્રોપલ્શન મોડ્યુલ(Propulsion module) થી અલગ કરી દીધું છે. આનો અર્થ એ છે કે હવે લેન્ડર(Vikram lander) એકલું જ આગળની મુસાફરી નક્કી કરશે. હવે આ મિશનની સફળતાની સંપૂર્ણ જવાબદારી આ લેન્ડરની છે, કારણ કે તેણે 23 ઓગસ્ટે ચંદ્ર(moon) પર સોફ્ટ લેન્ડિંગ કરવાનું છે. ચંદ્રયાન-3 સાથે હવે શું થશે અને કેવી રીતે થશે લેન્ડિંગ, જાણો…

6 દિવસ ખૂબ જ મહત્વપૂર્ણ

ઈસરોના જણાવ્યા મુજબ, લેન્ડિંગ માટે આવનારા 6 દિવસ ખૂબ જ મહત્વપૂર્ણ છે, કારણ કે અહીં લેન્ડરને ઘણી ઝડપ સાથે ઘણા મહત્વપૂર્ણ તબક્કાઓ પાર કરવાના છે. આ ઉપરાંત, ISROએ કહ્યું, આ દરમિયાન, પ્રોપલ્શન મોડ્યુલ સતત આ ધરી પર ફરતું રહેશે અને આવનારા ઘણા વર્ષો સુધી ISROને પૃથ્વી વિશે ઘણી મહત્વપૂર્ણ માહિતી આપતું રહેશે. આ પેલોડ આવનારા ઘણા વર્ષો સુધી પૃથ્વીના વાતાવરણના સ્પેક્ટ્રોસ્કોપિક અભ્યાસ માટે માહિતી મોકલશે. આ ઉપરાંત તે પૃથ્વી પર વાદળોની રચના અને તેની દિશા વિશે પણ સચોટ માહિતી આપશે.

Chandrayaan-3 Mission:

‘Thanks for the ride, mate! 👋’
said the Lander Module (LM).

LM is successfully separated from the Propulsion Module (PM)

LM is set to descend to a slightly lower orbit upon a deboosting planned for tomorrow around 1600 Hrs., IST.

Now, 🇮🇳 has3⃣ 🛰️🛰️🛰️… pic.twitter.com/rJKkPSr6Ct

— ISRO (@isro) August 17, 2023

પ્રોપલ્શન મોડ્યુલથી અલગ થયા પછી શું થશે?

ઈસરોના જણાવ્યા અનુસાર, પ્રોપલ્શન મોડ્યુલથી અલગ થવાની પ્રક્રિયા પછી, લેન્ડરે ચંદ્ર પર જવા માટે વર્તમાન ભ્રમણકક્ષાથી 90 ડિગ્રીનો વળાંક લેવો પડશે. આ મહત્વપૂર્ણ છે કારણ કે આ સમયે લેન્ડરની ગતિ ખૂબ જ ઝડપી છે. વળાંક લીધા પછી પણ પડકારો ખતમ નહીં થાય. કારણ કે આ પછી, જ્યારે લેન્ડર ચંદ્રની સીમામાં પ્રવેશ કરશે, તે સમયે તેની ગતિ પણ ઘણી વધારે હશે. આવી સ્થિતિમાં વૈજ્ઞાનિકો લેન્ડરનું ડી-બૂસ્ટિંગ કરશે.

આ સમાચાર પણ વાંચો :  Health Ministers Meeting : ગાંધીનગરમાં આજથી G20 આરોગ્ય મંત્રીઓની બેઠકનો આરંભ, PM મોદી વર્ચ્યુઅલી જોડાશે

ડી-બૂસ્ટિંગ શું છે?

જ્યારે લેન્ડર 90-ડિગ્રી વળાંક લીધા પછી ચંદ્રની સપાટી તરફ આગળ વધશે અને જ્યારે તેનું અંતર 30 કિમીથી ઓછું હશે, ત્યારે સોફ્ટ લેન્ડિંગ માટે તેની ઝડપ ઘટાડવી ખૂબ જ મહત્વપૂર્ણ રહેશે. જો વૈજ્ઞાનિકો લેન્ડરની સ્પીડ ઘટાડવામાં સક્ષમ હશે તો સોફ્ટ લેન્ડિંગ સરળતાથી થશે અને આ મિશન સફળ થશે. લેન્ડર લેન્ડ થયા બાદ તેમાંથી એક રોવર બહાર આવશે અને તે રોવર ચંદ્રની સપાટી પર આવતા 10 દિવસ સુધી ઈસરોને ઘણી મહત્વપૂર્ણ બાબતોની માહિતી મોકલશે.