News Continuous Bureau | Mumbai 

Chandrayaan 3: ભારત(India) નું મિશન ચાંદ સતત તેના કદમ તરફ આગળ વધી રહ્યું છે. દરેક ક્ષણે અંતર ઘટી રહ્યું છે. હવે ઈસરો(ISRO) એ ચંદ્રયાન-3ને લઈને એક મોટું અપડેટ આપ્યું છે. ઈસરોએ માહિતી આપી છે કે ચંદ્રયાન-3 અને ચંદ્રયાન-2 ઓર્બિટર વચ્ચેનો સંચાર સફળતાપૂર્વક સ્થાપિત થઈ ગયો છે. ચંદ્રયાન-2ના ઓર્બિટરે ચંદ્રયાન-3નું ચંદ્રની ભ્રમણકક્ષામાં સ્વાગત કર્યું છે અને બંને વચ્ચે સંપર્ક થયો છે. ISROના ચંદ્રયાન-3 મિશન(Mission Moon) ના સોફ્ટ લેન્ડિંગને હવે ગણતરીના કલાક બાકી છે, દરમિયાન માત્ર ભારત જ નહીં પરંતુ સમગ્ર દુનિયાની નજર આ મિશન પર છે.

Chandrayaan-3 Mission:

Here are the images of
Lunar far side area
captured by the
Lander Hazard Detection and Avoidance Camera (LHDAC).

This camera that assists in locating a safe landing area — without boulders or deep trenches — during the descent is developed by ISRO… pic.twitter.com/rwWhrNFhHB

— ISRO (@isro) August 21, 2023

ભારતનું અવકાશયાન ચંદ્રયાન-3 ચંદ્રની સપાટીને ચુંબન કરવા માટે દરેક ક્ષણે નજીક આવી રહ્યું છે. ઈસરોના વૈજ્ઞાનિકોને સંપૂર્ણ ખાતરી છે કે ભલે ગમે તે થઈ જાય પરંતુ આ વખતે ચંદ્રયાન-3 ચંદ્ર પર ઉતરીને જ રહેશે.. સૌપ્રથમ ઈસરોના ચીફ એસ. સોમનાથ અને પછી ચંદ્રયાન-2 અને 3ના પ્રક્ષેપણ સમયે ઈસરોના સહયોગી એરોસ્પેસ સાયન્ટિસ્ટ પ્રોફેસર રાધાકાંત પાધીએ પણ દાવો કર્યો છે કે ચંદ્રયાન-2ની નિષ્ફળતા બાદ ઈસરોએ ઘણા સુધારા કર્યા છે અને ચંદ્રયાન-3ને એવી રીતે ડિઝાઇન કરવામાં આવ્યું છે કે તે સફળતાપૂર્વક લેન્ડ કરશે.

Chandrayaan-3 Mission:

🇮🇳Chandrayaan-3 is set to land on the moon 🌖on August 23, 2023, around 18:04 Hrs. IST.

Thanks for the wishes and positivity!

Let’s continue experiencing the journey together
as the action unfolds LIVE at:
ISRO Website https://t.co/osrHMk7MZL
YouTube… pic.twitter.com/zyu1sdVpoE

— ISRO (@isro) August 20, 2023

ચંદ્રયાન-2ના ઓર્બિટર સાથે સંપર્ક

ઈસરોએ સોમવાર, 21 ઓગસ્ટ, 2023ના રોજ માહિતી આપી હતી કે ચંદ્રયાન-2ના ઓર્બિટર સાથે ચંદ્ર તરફ આગળ વધી રહેલા યાન-3 દ્વારા સફળતાપૂર્વક સંપર્ક સ્થાપિત કરવામાં આવ્યો છે. બંને વચ્ચે દ્વિપક્ષીય સંપર્ક સ્થાપિત થયો છે. ચંદ્રયાન-2ના ઓર્બિટરે ચંદ્રની ભ્રમણકક્ષામાં યાન-3નું સ્વાગત કર્યું છે. તમને જણાવી દઈએ કે રવિવાર સવાર સુધી ચંદ્રની સપાટીથી ચંદ્રયાન-3નું અંતર માત્ર 25 કિલોમીટર હતું, જે હવે ઘણું ઘટી ગયું છે. ચંદ્રયાન-3 ચંદ્રની આસપાસ ચક્કર લગાવતા તેની નજીક આવી રહ્યું છે.

આ સમાચાર પણ વાંચો : Mumbai: મુંબઈગરાઓ સાચવજો! ચોમાસામાં થતા રોગોમાં વધારો.. રાજ્યમાં સૌથી વધુ મેલેરિયાના દર્દીઓ મુંબઈમાં.. જાણો આંકડા..

લેન્ડિંગ અપડેટ

ઈસરોએ 21 ઓગસ્ટે ચંદ્રયાન-3ના લેન્ડિંગ અંગે નવીનતમ અપડેટ પણ બહાર પાડી છે. તેમણે જણાવ્યું કે લેન્ડિંગનો સમય 23 ઓગસ્ટે સાંજે 6.04 વાગ્યાનો રાખવામાં આવ્યો છે. આ સમયે, વાહનને ચંદ્રની સપાટી પર સુરક્ષિત અને સોફ્ટ લેન્ડિંગ માટે પ્રયાસ કરવામાં આવશે. ઈસરોએ એ પણ માહિતી આપી હતી કે લેન્ડિંગ ઈવેન્ટનું લાઈવ ટેલિકાસ્ટ સ્થાનિક સમય મુજબ સાંજે 5.20 વાગ્યે શરૂ થશે.

ચંદ્રયાન-2 ક્રેશ 

ઉલ્લેખનીય છે કે વર્ષ 2019 માં ભારતે તેનું મિશન ચંદ્રયાન-2 લોન્ચ કર્યું હતું, તે છેલ્લા વળાંક સુધી બરાબર ચાલ્યું પરંતુ સોફ્ટ લેન્ડિંગમાં સમસ્યા થઈ હતી. ચંદ્રયાન-2 ક્રેશ થયું હતું, પરંતુ તેણે પોતાનું કામ કરી દીધું હતું. ચંદ્રયાન-2નું ઓર્બિટર છેલ્લા 4 વર્ષથી ચંદ્રની આસપાસ ફરે છે અને પોતાનું કામ કરી રહ્યું છે. હવે ચાર વર્ષ પછી જ્યારે વિક્રમ લેન્ડર ફરી ચંદ્રની નજીક પહોંચ્યું છે, ત્યારે ચંદ્રયાન-2નું ઓર્બિટર એક્ટિવ થઈ ગયું છે.