News Continuous Bureau | Mumbai
CJP Sacks Spokesperson Vijeta Dahiya દિલ્હીમાં ચાલી રહેલા વિરોધ પ્રદર્શન અને સંસદ માર્ચ વચ્ચે કૌકરોચ જનતા પાર્ટી (CJP) એ પોતાની જ રાષ્ટ્રીય પ્રવક્તા વિજેતા દહિયા (Vijeta Dahiya) સામે મોટી સંગઠનાત્મક કાર્યવાહી કરી છે. વિરોધ પ્રદર્શન દરમિયાન વિજેતા દહિયાનો બર્ગર ખાતો એક વિડીયો સોશિયલ મીડિયા પર વાયરલ થયા બાદ પાર્ટી નેતૃત્વએ તેમને પ્રવક્તા પદ પરથી તાત્કાલિક અસરથી બરતરફ (Sack) કરી દીધા છે.
CJP Sacks Spokesperson Vijeta Dahiya – સોશિયલ મીડિયા પર વિડીયો વાયરલ થતાં સર્જાયો વિવાદ
જંતર-મંતર અને દિલ્હીના રસ્તાઓ પર CJP નેતાઓ અને વિદ્યાર્થીઓનું આંદોલન ચાલી રહ્યું હતું ત્યારે વિજેતા દહિયા આંદોલન સ્થળ નજીક જ બર્ગર ખાતા જોવા મળ્યા હતા. આ વિડીયો સોશિયલ મીડિયા પર વાયરલ થતાં જ લોકોએ વિરોધ પ્રદર્શનની ગંભીરતા પર સવાલો ઉઠાવ્યા હતા. એક તરફ કાર્યકરો અને વિદ્યાર્થીઓ લાઠીચાર્જ અને ધક્કામુક્કીનો સામનો કરી રહ્યા હતા ત્યારે પક્ષના પ્રવક્તાના આવા વલણની ચોમેર ટીકા થઈ રહી હતી.
CJP નેતૃત્વએ શિસ્તભંગ બદલ લીધા સખત પગલાં
આ ઘટનાથી પક્ષની છબીને નુકસાન પહોંચ્યું હોવાનું સ્વીકારીને CJP ના ઉચ્ચ પદાધિકારીઓએ વિજેતા દહિયા સામે કાર્યવાહી કરવાનો નિર્ણય કર્યો હતો. પક્ષ તરફથી જારી કરવામાં આવેલા સત્તાવાર નિવેદનમાં જણાવવામાં આવ્યું છે કે સીજેપી એક ગંભીર આંદોલન લડી રહી છે અને આવા જવાબહીન વર્તનને સહેજ પણ ચલાવી લેવામાં આવશે નહીં. તેથી તેમને પાર્ટીના તમામ જવાબદાર પદો પરથી મુક્ત કરવામાં આવે છે.
વિજેતા દહિયાની સ્પષ્ટતા અને રાજકીય ચર્ચા
બરતરફી બાદ વિજેતા દહિયાએ પોતાની સફાઈ આપતા કહ્યું હતું કે તેઓ સવારથી જ સતત પ્રદર્શનમાં હાજર હતા અને તબિયત નરમ હોવાને કારણે તેમણે ખોરાક લીધો હતો. જોકે, આ મુદ્દે વિપક્ષો અને યુઝર્સો દ્વારા સોશિયલ મીડિયા પર જાતજાતની ટિપ્પણીઓ કરવામાં આવી રહી છે, જેના કારણે આ વિવાદ વધુ ઘેરો બન્યો છે.
👉 આ સમાચાર વાચો:
BEST Bus Mounts Divider Borivali SV Road બોરીવલીમાં બેસ્ટ બસ ડિવાઇડર પર ચડી ગઈ મોટી દુર્ઘટના ટળી, મુસાફરો આબાદ બચ્યા
