News Continuous Bureau | Mumbai

India Gate protest દિલ્હીમાં ઇન્ડિયા ગેટ પર વિરોધ-પ્રદર્શન દરમિયાન પોલીસકર્મીઓ પર મરચાંનો સ્પ્રે કરવાના મામલામાં દિલ્હી પોલીસે એફઆઇઆર નોંધીને 15 થી વધુ લોકોની ધરપકડ કરી છે. પોલીસે એફઆઇઆરમાં પોલીસ પર હુમલો કરવા, સરકારી કામમાં અવરોધ ઊભો કરવા અને રસ્તો જામ કરવાની કલમો ઉમેરી છે.

નક્સલી કમાન્ડરના સમર્થનમાં સૂત્રોચ્ચાર

દિલ્હી પોલીસે જણાવ્યું કે દિલ્હી-એનસીઆરમાં વાયુ પ્રદૂષણના વિરોધમાં પ્રદર્શન ઇન્ડિયા ગેટ પાસે સી હેક્સાગોનમાં કરવામાં આવ્યું હતું. આ દરમિયાન પ્રદર્શનકારીઓના હાથમાં તાજેતરમાં સુરક્ષા દળો સાથેના એન્કાઉન્ટરમાં માર્યા ગયેલા નક્સલી કમાન્ડર માડવી હિડમાના પોસ્ટરો હતા. આ દરમિયાન પ્રદર્શનકારીઓ દ્વારા ‘કેટલા હિડમાને મારશો’, ‘દરેક ઘરમાંથી હિડમા નીકળશે’ જેવા સૂત્રોચ્ચાર કરવામાં આવ્યા હતા.

પ્રદર્શનકારીઓ દ્વારા પોલીસ પર હુમલો

જ્યારે પ્રદર્શનકારીઓએ રસ્તો જામ કરવાનું શરૂ કર્યું ત્યારે પોલીસે તેમને હટાવવાનો પ્રયાસ કર્યો. આ દરમિયાન પ્રદર્શનકારીઓએ પોલીસકર્મીઓ પર મરચાંના સ્પ્રેનો ઉપયોગ કરીને તેમના પર હુમલો કરવાનો પ્રયાસ કર્યો. રવિવારે પ્રદર્શનની જગ્યાએથી મળેલા વિઝ્યુઅલ્સમાં આંદોલનકારીઓ માઓવાદી કમાન્ડર માડવી હિડમાના પોસ્ટરો પકડેલા જોવા મળ્યા હતા.

આ સમાચાર પણ વાંચો : Sangli Accident: સાંગલીમાં ‘હિટ એન્ડ રન’ કેસ, નશાની હાલતમાં ડ્રાઇવરે 5 ગાડીઓને ટક્કર મારી,આટલા લોકો થયા ગંભીર રીતે ઘાયલ

ઘાયલ પોલીસકર્મીઓ હોસ્પિટલમાં

નવી દિલ્હીના ડીસીપી એ કહ્યું કે આ પ્રકારના વિરોધ પ્રદર્શન દરમિયાન પહેલીવાર પોલીસકર્મીઓ પર મરચાંના સ્પ્રેનો ઉપયોગ કરવામાં આવ્યો છે. ડીસીપીએ એએનઆઈ ને વાત કરતાં કહ્યું: “કેટલાક પ્રદર્શનકારીઓ સી-હેક્સાગોન ની અંદર એકઠા થયા હતા અને પછી બેરિકેડ પાર કરવાનો પ્રયાસ કર્યો હતો, જે અમે અવર-જવર રોકવા માટે લગાવ્યા હતા. જોકે, તેઓ માન્યા નહીં. તેમણે બેરિકેડ તોડી નાખ્યા, રસ્તા પર આવી ગયા અને ત્યાં જ બેસી ગયા. અમે તેમને હટાવવાની અપીલ કરી, કારણ કે તેમની પાછળ ઘણી એમ્બ્યુલન્સ અને મેડિકલ સ્ટાફ ફસાયેલા હતા અને તેમને ઇમરજન્સી એક્સેસની જરૂર હતી. ટ્રાફિકમાં અવરોધ ટાળવા માટે અમે તેમને સી-હેક્સાગોનમાંથી હટાવી દીધા. હટાવતી વખતે, ઘણા પ્રદર્શનકારીઓની પોલીસ સાથે ધક્કામુક્કી થઈ અને અમારા ઘણા કર્મચારીઓ ઘાયલ થયા.”