News Continuous Bureau | Mumbai
Pahalgam Attack। પહેલગામ આતંકી હુમલાની આવતીકાલે એટલે કે ૨૨ એપ્રિલે પ્રથમ વરસી છે. ૨૨ એપ્રિલ ૨૦૨૫ એ માત્ર એક તારીખ નથી, પરંતુ એક એવો ઘા છે જેણે આખા ભારતને હચમચાવી નાખ્યું હતું. આ કાાયરતાપૂર્ણ હુમલામાં ૨૬ નિર્દોષ લોકોએ જીવ ગુમાવ્યા હતા. પહેલગામની જે વાદીઓને લોકો ‘મિની સ્વિટ્ઝરલેન્ડ’ તરીકે ઓળખે છે, તે દિવસે ત્યાં મોતનું તાંડવ જોવા મળ્યું હતું. આ હુમલાની પ્રથમ વરસીના એક દિવસ પહેલા ભારતીય સેનાએ ટ્વિટ કરીને દુશ્મનોને સ્પષ્ટ સંદેશ આપ્યો છે કે ભારત આ હુમલાને ક્યારેય ભૂલશે નહીં અને આતંકવાદનો જવાબ હંમેશા નિર્ણાયક રહ્યો છે.
સેનાનો સણસણતો સંદેશ
ભારતીય સેનાએ પોતાના સત્તાવાર ટ્વિટર હેન્ડલ પર લખ્યું છે કે, ‘જ્યારે માનવતાની સીમાઓ ઓળંગવામાં આવે છે, ત્યારે જવાબ નિર્ણાયક હોય છે. ભારત ભૂલતું નથી. ન્યાય મળી ગયો છે. ભારત એકજુટ છે.’ આ સંદેશ પાકિસ્તાન અને આતંકવાદી સંગઠનો માટે એક ચેતવણી છે કે ભારત પોતાના નાગરિકોના લોહીનું એક-એક ટીપું ચૂકવશે. સેનાએ આ રીતે શહીદ થયેલા નાગરિકોને શ્રદ્ધાંજલિ અર્પણ કરી છે.
ઓપરેશન સિંદૂર: ભારતનો કડક જવાબ
પહેલગામ હુમલાના થોડા દિવસો બાદ જ ભારતે તેનો બદલો લેવા માટે ‘ઓપરેશન સિંદૂર’ (Operation Sindoor) ચલાવ્યું હતું. મે મહિનાની શરૂઆતમાં (૬-૭ મે, ૨૦૨૫) ભારતીય સુરક્ષા દળોએ પાકિસ્તાન અને પીઓકે (PoK) માં આવેલા આતંકી ઠેકાણાઓ પર સચોટ હુમલા કર્યા હતા. ૨૨-૨૬ એપ્રિલ ૨૦૨૫ દરમિયાન થયેલા આ આતંકી હુમલામાં માર્યા ગયેલા ૨૬ નિર્દોષ નાગરિકોનો બદલો લેવા માટે આ ઓપરેશન કરવામાં આવ્યું હતું, જેણે આતંકી આકાઓના કમર તોડી નાખી હતી.
તે કાળી યાદો અને આજના સંકલ્પ
તે દિવસે આતંકવાદીઓની ગોળીઓએ કોઈ ધર્મ કે ચહેરો જોયો ન હતો, તેઓ માત્ર મોત વહેંચી રહ્યા હતા. તે દિવસની ચીસો અને બંદૂકનો અવાજ આજે પણ દેશના લોકોના કાનમાં ગુંજે છે. પરંતુ, આજે પહેલગામ હુમલાની પ્રથમ વરસી પર ભારતનો ઈરાદો મક્કમ છે. ભારતીય સેનાએ જે રીતે ન્યાય અપાવ્યો છે, તે દર્શાવે છે કે દેશની સુરક્ષા સાથે બાંધછોડ કરનારને ક્યારેય માફ કરવામાં આવશે નહીં. આ આતંકી હુમલામાં ગુમાવેલી ૨૬ જિંદગીઓનું બલિદાન હંમેશા યાદ રાખવામાં આવશે.
👉 આ સમાચાર વાચો:
Russian Oil। રશિયન ઓઈલ પર ભારતનો મોટો દાવ ૨૦૩૦ સુધી તેલની અછત થશે ખતમ, જાણો શું છે ભારતની ખાસ યોજના
