News Continuous Bureau | Mumbai
Indian Railways ભારતના હાઈસ્પીડ રેલ નેટવર્કને મોટો વેગ મળ્યો છે. કેન્દ્ર સરકારે દેશભરમાં 7 નવા બુલેટ ટ્રેન કોરિડોરને મંજૂરી આપી છે, જે મુસાફરીના સમયમાં ધરખમ ઘટાડો કરશે. રેલમંત્રી અશ્વિની વૈષ્ણવે આ પ્રોજેક્ટ્સની જાહેરાત કરતા જણાવ્યું હતું કે આનાથી દેશના મુખ્ય શહેરો વચ્ચેનું અંતર હવે ગણતરીના કલાકોમાં કાપી શકાશે.
Indian Railways: કયા હશે નવા 7 બુલેટ ટ્રેન કોરિડોર?
સરકાર દ્વારા મંજૂર કરાયેલા નવા રૂટ અને અંદાજિત સમય નીચે મુજબ છે:
મુંબઈ-પુણે: 48 મિનિટ
બેંગલુરુ-ચેન્નાઈ: 1 કલાક 13 મિનિટ
બેંગલુરુ–હૈદરાબાદ: 2 કલાક 10 મિનિટ
પુણે-હૈદરાબાદ: 2 કલાક 8 મિનિટ
દિલ્હી-લખનૌ: 2 કલાક
દિલ્હી-વારાણસી: 3 કલાક 15 મિનિટ
દિલ્હી-સિલીગુડી: 6 કલાક
Indian Railways: બિહારમાં રેલવે ઈન્ફ્રાસ્ટ્રક્ચરનો કાયાપલટ
બિહારને લઈને રેલમંત્રીએ મોટી જાહેરાત કરી છે. આગામી 7 થી 8 વર્ષમાં રાજ્યને 200 થી વધુ નવી ટ્રેનો મળશે. હાલમાં બિહારમાં 1.15 લાખ કરોડ રૂપિયાથી વધુના રેલવે પ્રોજેક્ટ્સ પર કામ ચાલી રહ્યું છે. આ ઉપરાંત, દિલ્હી-વારાણસી-પટના બુલેટ ટ્રેન કોરિડોરને પણ મંજૂરી આપવામાં આવી છે, જેનાથી પટનાથી દિલ્હીની મુસાફરી માત્ર 4 કલાક 41 મિનિટમાં શક્ય બનશે. ભવિષ્યમાં આ લાઈનનું સિલીગુડી સુધી વિસ્તરણ કરવામાં આવશે.
Indian Railways: મુંબઈ-અમદાવાદ પ્રોજેક્ટ અને આધુનિક યુગની શરૂઆત
ભારતની પ્રથમ બુલેટ ટ્રેન પ્રોજેક્ટ મુંબઈ-અમદાવાદ (508 કિમી) પર કામ ખૂબ જ ઝડપથી ચાલી રહ્યું છે, જેમાં જાપાનની ટેકનિકલ અને આર્થિક મદદ લેવામાં આવી રહી છે. જાપાનની સુપ્રસિદ્ધ ‘શિન્કાન્સેન’ ટેકનોલોજી ભારતની હાઈ-સ્પીડ રેલવેની પાયાની ઈંટ બનશે. આ નવા કોરિડોરથી દેશમાં સુરક્ષિત, ઝડપી અને અત્યાધુનિક રેલ મુસાફરીના નવા યુગની શરૂઆત થશે, જે આર્થિક અને સામાજિક વિકાસને નવી ગતિ આપશે.
👉 આ સમાચાર વાચો:
Longest Day of the Year 2026 ૨૧ જૂન ઉત્તર ગોળાર્ધમાં વર્ષનો સૌથી લાંબો દિવસ, જાણો શું છે તેની પાછળનું ખગોળીય કારણ.
