News Continuous Bureau | Mumbai
Indian Railways Luggage Rules રેલવે મંત્રી અશ્વિની વૈષ્ણવે લોકસભામાં સ્પષ્ટ કર્યું છે કે ટ્રેન મુસાફરી દરમિયાન નક્કી કરેલી મફત મર્યાદાથી વધુ સામાન લઈ જવા બદલ મુસાફરોએ વધારાનો ચાર્જ ચૂકવવો પડશે. રેલવેએ દરેક ક્લાસ (શ્રેણી) મુજબ સામાનની અલગ-અલગ મર્યાદા નક્કી કરી છે. જો તમારો સામાન આ મર્યાદાથી વધુ હશે, તો નિર્ધારિત દર કરતા ૧.૫ ગણો વધુ દંડ અથવા શુલ્ક વસૂલવામાં આવી શકે છે.
કયા ક્લાસમાં કેટલો સામાન ‘ફ્રી’ છે?
રેલવે મંત્રી દ્વારા આપવામાં આવેલી માહિતી મુજબ, વિવિધ શ્રેણીઓ માટે મફત સામાનની મર્યાદા નીચે મુજબ છે:
સેકન્ડ ક્લાસ: ૩૫ કિલો સુધી મફત (મહત્તમ મર્યાદા ૭૦ કિલો).
સ્લીપર ક્લાસ: ૪૦ કિલો સુધી મફત (મહત્તમ મર્યાદા ૮૦ કિલો).
એસી થ્રી ટાયર અને ચેર કાર: ૪૦ કિલો સુધી મફત.
ફર્સ્ટ ક્લાસ અને એસી ટુ ટાયર: ૫૦ કિલો સુધી મફત (મહત્તમ મર્યાદા ૧૦૦ કિલો).
એસી ફર્સ્ટ ક્લાસ: ૭૦ કિલો સુધી મફત (મહત્તમ મર્યાદા ૧૫૦ કિલો).
વધારાના સામાન પર ૧.૫ ગણો ચાર્જ
જો મુસાફરો મફત મર્યાદાથી વધુ સામાન પોતાની સાથે કોચમાં રાખવા માંગતા હોય, તો તેમણે વધારાનું શુલ્ક ચૂકવવું પડશે.મફત મર્યાદા કરતા વધુ સામાન હોવા પર નિર્ધારિત દર કરતા ૧.૫ ગણો ચાર્જ લેવામાં આવશે.યાદ રાખો કે તમે કોઈ પણ સંજોગોમાં કોચમાં મહત્તમ મર્યાદાથી વધુ સામાન લઈ જઈ શકતા નથી.
આ સમાચાર પણ વાંચો : Vellore Golden Temple: તમિલનાડુનું ‘સ્વર્ણ ધામ’: જ્યાં વપરાયું છે અમૃતસરના સુવર્ણ મંદિરથી બમણું સોનું, 1500 કિલો શુદ્ધ સોનાથી બનેલું છે આ આખું મંદિર
સામાનના કદ (Size) પર પણ પ્રતિબંધ
માત્ર વજન જ નહીં, પણ સામાનનું કદ પણ નિયમોના દાયરામાં આવે છે.કોચમાં માત્ર ૧૦૦ સેમી x ૬૦ સેમી x ૨૫ સેમી (લંબાઈ x પહોળાઈ x ઊંચાઈ) સુધીના સૂટકેસ કે ટ્રંક જ લઈ જઈ શકાય છે.જો તમારા સામાનનું કદ આ માપથી વધુ હોય, તો તેને કોચમાં લઈ જવાની મંજૂરી આપવામાં આવશે નહીં. આવા સામાનને બ્રેક વેન અથવા પાર્સલ વેનમાં બુક કરાવવો ફરજિયાત રહેશે.રેલવે મંત્રીએ સ્પષ્ટ કર્યું કે હાલમાં કોચની અંદર સામાન લઈ જવા માટે ક્લાસ-વાઈઝ નિયમો લાગુ છે. આનો હેતુ મુસાફરોની સુરક્ષા અને કોચમાં ભીડભાડ ઘટાડવાનો છે જેથી તમામ મુસાફરોને બેસવા અને સામાન રાખવા માટે પૂરતી જગ્યા મળી રહે.
