News Continuous Bureau | Mumbai
ISIS India Head Arrested: લોકસભા ચૂંટણી પહેલા સુરક્ષા એજન્સીઓને મોટી સફળતા મળી છે. આસામમાં, STFએ ISIS ઇન્ડિયાના વડા હારીસ અજમલ ફારૂકી ની ધરપકડ કરી છે. ચૂંટણી પહેલા હારીસ ફારૂકીની ધરપકડ કરીને STFએ ઘણા મોટા ષડયંત્રોને નિષ્ફળ બનાવ્યા છે.
આ પાડોશી દેશમાંથી આસામમાં પ્રવેશ કર્યો
મીડિયામાં પ્રકાશિત અહેવાલો મુજબ ઇસ્લામિક સ્ટેટ ઓફ ઇરાક એન્ડ સીરિયાના વડા હારીસ ફારૂકી અને ભારતમાં તેના સહયોગીની બુધવારે આસામના ધુબરીમાં ધરપકડ કરવામાં આવી હતી. પોલીસે જણાવ્યું હતું કે બંને બાંગ્લાદેશથી પસાર થયા બાદ પકડાયા હતા. હારીસ ફારૂકીની ધરપકડ પર આસામ પોલીસે કહ્યું કે STFએ તેને એક ગુપ્ત માહિતી બાદ ધર્મશાલા વિસ્તારમાંથી પકડ્યો હતો. ધરપકડ બાદ આતંકીઓને ગુવાહાટી સ્થિત STF ઓફિસમાં લાવવામાં આવ્યા હતા.
કેવી રીતે પકડાયો હરિસ ફારૂકી?
એસટીએફને સુરક્ષા એજન્સીઓ પાસેથી માહિતી મળી હતી કે ભારતમાં ISISનો નેતા અને તેના સાગરિત બંને બાંગ્લાદેશમાં દેશમાં કેમ્પ કરી રહ્યા છે. બંને ચૂંટણી પહેલા આતંકવાદી ગતિવિધિઓને અંજામ આપવા માટે આસામના ધુબરી થઈને ભારત આવશે. ગુપ્ત માહિતીના આધારે, આઈજીપી પાર્થસારથી મહંતની આગેવાની હેઠળની એસટીએફની ટીમને આઈએસઆઈએસના ઓપરેટિવ્સને શોધી કાઢવા અને ધરપકડ કરવા માટે નિયુક્ત કરવામાં આવી હતી, જે પછી, તેઓ સરહદ પાર કરીને આસામમાં પ્રવેશ્યા કે તરત જ એસટીએફને ખબર પડી અને તેઓએ હરિસ ફારૂકી અને તેના સાથીને ઝડપી લીધો..
આ સમાચાર પણ વાંચો : Today’s Horoscope : આજે ૨૧ માર્ચ ૨૦૨૪, જાણો આજનું રાશિ ભવિષ્ય અને પંચાંગ
અનેક આતંકવાદી ગતિવિધિઓમાં સામેલ
પ્રાપ્ત માહિતી અનુસાર, હારીસ ફારૂકી ભારતમાં ઘણી જગ્યાએ IEDનો ઉપયોગ કરીને ભરતી, આતંકવાદી ભંડોળ અને આતંકવાદી કૃત્યોને અંજામ આપવાના કાવતરામાં સામેલ હતો. હારીસ ફારૂકી ભારતમાં ISISના ઉદેશ્યને આગળ વધારી રહ્યો હતો. પોલીસ અધિકારીએ જણાવ્યું હતું કે એનઆઈએ, દિલ્હી, એટીએસ અને લખનઉ સહિત અન્ય સ્થળોએ હરિસ ફારૂકી વિરુદ્ધ ઘણા કેસ પેન્ડિંગ છે. ફારૂકી આતંકવાદ સંબંધિત પ્રવૃત્તિઓ માટે ભારતની રાષ્ટ્રીય તપાસ એજન્સીની મોસ્ટ વોન્ટેડ યાદીમાં છે.
