News Continuous Bureau | Mumbai

Lok Sabha Election 2024: લોકસભા ચૂંટણી માટે તમામ પક્ષો સંપૂર્ણ રીતે તૈયાર છે. એક તરફ ભારતીય જનતા પાર્ટી ( BJP ) ત્રીજી વખત સરકાર બનાવવાનો દાવો કરી રહી છે. તો બીજી તરફ વિપક્ષી પાર્ટીઓ ગઠબંધન દ્વારા સાથે મળીને ચૂંટણી લડવા કમરકસી લીધી છે. ભાજપનો દાવો છે કે તે આ વખતે 400થી વધુ બેઠકો જીતશે. જ્યારે વિપક્ષનું કહેવું છે કે આ વખતે તેની સરકાર બનવા જઈ રહી છે. આવા સંજોગોમાં આ ચૂંટણીમાં કયા પક્ષનું પલડું કેટલું ભારે રહેશે તે ચૂંટણીના પરિણામો જાહેર થયા બાદ જ ખબર પડશે. પરંતું આ સાથે જ આપણે છેલ્લી બે લોકસભા ચૂંટણીઓ વિશે જાણવું જોઈએ. જેમા પરિણામ શું રહ્યા હતા તે જાણીએ..

 2014 માં ભારતીય જનતા પાર્ટીએ અણધારી જીત નોંધાવી હતી..

લોકસભા ચૂંટણી 2014ની વાત કરીએ તો આ ચૂંટણીમાં ભારતીય જનતા પાર્ટીએ અણધારી જીત નોંધાવી હતી. આ ચૂંટણીમાં વિપક્ષનું પ્રદર્શન ખૂબ જ નિરાશાજનક રહ્યું હતું. આ ચૂંટણીમાં દેશની જનતાએ NDAને 334 બેઠક આપી હતી. જેમાંથી એકલા ભારતીય જનતા પાર્ટીના ઉમેદવારોએ 282 બેઠકો જીતી હતી. બીજી તરફ કોંગ્રેસ ( Congress ) પાર્ટીને માત્ર 44 સીટો પર જ સફળતા મળી શકી હતી. આ મોટી જીત સાથે, ભાજપ 30 વર્ષ પછી લોકસભામાં ( Lok Sabha ) પોતાના દમ પર પૂર્ણ બહુમતી મેળવનારી પ્રથમ પાર્ટી બની હતી. સ્વાભાવિક છે કે આ ચૂંટણીમાં ‘મોદી લહેર’ ચર્ચામાં હતી અને ચૂંટણી જીત્યા બાદ નરેન્દ્ર મોદીને ( Narendra Modi ) દેશના વડાપ્રધાન બનાવવામાં આવ્યા હતા.

આ સમાચાર પણ વાંચો :  Lok Sabha Election: લોકસભામાં ચૂંટણી ની જાહેરાત વચ્ચે કોંગ્રેસે કામદારોને આપી ન્યાય ગેરંટી, આરોગ્ય સુવિધાઓથી લઈને રોજગાર સુરક્ષિત કરવાના વચનો..

દરમિયાન, પાંચ વર્ષ બાદ ભારતીય જનતા પાર્ટીએ 2019ની લોકસભા ચૂંટણીમાં પણ જીત મેળવી હતી. ભાજપની આ જીત અગાઉની જીત કરતાં પણ મોટી હતી. આ ચૂંટણીમાં જનતાએ NDA ગઠબંધનને 353 બેઠકો આપી હતી, જેમાંથી એકલા ભાજપે 303 બેઠકો જીતી હતી. એકલા ભારતીય જનતા પાર્ટીએ 303 બેઠકો જીતીને સંપૂર્ણ બહુમતી મેળવી હતી. જ્યારે યુપીએ ગઠબંધનને 90 બેઠકો મળી હતી, જેમાંથી કોંગ્રેસ પાર્ટી માત્ર 52 બેઠકો જીતી શકી હતી. જે રીતે ભાજપે 2014ની સરખામણીમાં 2019ની લોકસભા ચૂંટણીમાં સારું પ્રદર્શન કર્યું હતું અને 334થી 353 પર વધારે બેઠકો પર જીત નોંધાવી હતી. તેથી ભાજપ હવે માને છે કે તે આ ચૂંટણીમાં 400નો આંકડો પાર કરશે.