News Continuous Bureau | Mumbai
Multiple SIM card : તાજેતરમાં એક સમાચાર આવ્યા હતા કે એકથી વધુ સિમ કાર્ડ રાખનારા ગ્રાહકોને વધારાના પૈસા ચૂકવવા પડશે. રિપોર્ટ્સમાં કહેવામાં આવ્યું છે કે ટેલિકોમ રેગ્યુલેટર ટ્રાઈએ આ અંગે એક પ્રસ્તાવ તૈયાર કર્યો છે. એવું કહેવામાં આવ્યું હતું કે રેગ્યુલેટર નંબરોના દુરુપયોગને રોકવા માટે આવો નિર્ણય લઈ શકે છે. જો કે, હવે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ એક કરતા વધુ સિમ અને નંબરિંગ રિસોર્સ રાખવા માટે ગ્રાહક શુલ્ક લાદવાની અટકળોનો અંત લાવી દીધો છે અને તેને નકારી કાઢ્યો છે.
Multiple SIM card : વધુ સિમ રાખવા બદલ ચાર્જ વસૂલવાની અટકળો સંપૂર્ણપણે ખોટી
ટેલિકોમ રેગ્યુલેટરી ઓથોરિટીએ આ સંદર્ભમાં એક પ્રેસ રિલીઝ જાહેર કરીને કહ્યું છે કે 6 જૂને કન્સલ્ટેશન પેપર મૂક્યા બાદ એકથી વધુ સિમ હોવાના અહેવાલો ખોટા છે. અહેવાલોમાં કહેવામાં આવ્યું હતું કે ટ્રાઈએ મોબાઈલ અને લેન્ડલાઈન નંબર રાખવા માટે ફી વસૂલવાનો પ્રસ્તાવ મૂક્યો છે, જેથી આ સંસાધનોનો યોગ્ય રીતે ઉપયોગ કરી શકાય. પરંતુ, ટ્રાઈએ કહ્યું કે આવું નથી અને આવી અટકળો ખોટી અને લોકોને ગેરમાર્ગે દોરનારી છે.
આ સમાચાર પણ વાંચો : SBI MCLR rate : SBIના કરોડો ગ્રાહકો માટે માઠા સમાચાર, બેંકના આ એક નિર્ણયથી વધી જશે લોનની EMI, ખિસ્સા પર વધશે બોજો..
Multiple SIM card : શુલ્ક લેવામાં આવશે નહીં
ટ્રાઈએ આ અંગે સોશિયલ મીડિયા સાઈટ પર પણ લખ્યું છે. TRAI ગ્રાહકો પાસેથી એકથી વધુ સિમ રાખવા બદલ ચાર્જ વસૂલવાની અટકળો સંપૂર્ણપણે ખોટી અને લોકોને ગેરમાર્ગે દોરનારી છે. ટ્રાઈ દ્વારા આવી કોઈ જાહેરાત કરવામાં આવી નથી. એટલે કે, જો તમારી પાસે એક ફોનમાં એકથી વધુ સિમ છે, તો તમારે ચિંતા કરવાની જરૂર નથી. ટ્રાઈએ આવા તમામ અહેવાલોને ફગાવી દીધા છે. ભવિષ્યમાં તમારી પાસેથી શુલ્ક લેવામાં આવશે નહીં.
