News Continuous Bureau | Mumbai
Pankaj Tripathi Brother Attacked બોલિવૂડના પ્રખ્યાત અને લોકપ્રિય અભિનેતા પંકજ ત્રિપાઠીના પરિવારમાંથી એક અત્યંત ચોંકાવનારા અને માઠા સમાચાર સામે આવ્યા છે. બિહારના ગોપાલગંજ જિલ્લામાં પંકજ ત્રિપાઠીના સગા ભાઈ બિજેન્દ્ર નાથ તિવારી પર કેટલાક અજાણ્યા શખ્સો દ્વારા ધારદાર હથિયાર વડે જીવલેણ હુમલો કરવામાં આવ્યો છે. આ હુમલામાં તેઓ ગંભીર રીતે ઘાયલ થયા છે અને તેમની સ્થિતિ અત્યંત નાજુક હોવાનું કહેવાય રહ્યું છે.
Pankaj Tripathi Brother Attacked – જૂની અદાવતમાં પાડોશીઓએ જ કર્યો હુમલો
મીડિયા અહેવાલો અનુસાર, આ સનસનાટીભરી ઘટના ગોપાલગંજ જિલ્લાના માધોપુર પોલીસ સ્ટેશન વિસ્તારના બેલસંડ ગામમાં બની છે, જે પંકજ ત્રિપાઠીનું પૈતૃક ગામ છે. પ્રાથમિક માહિતી મુજબ, જૂની અદાવત અને પારિવારિક અણબનાવના કારણે બિજેન્દ્ર નાથ તિવારી પર તેમના પાડોશમાં રહેતા લોકોએ જ હુમલો કર્યો હતો. હુમલાની આ વારદાતને અંજામ આપ્યા બાદ તમામ આરોપીઓ ઘટનાસ્થળેથી ફરાર થઈ ગયા છે. આ ઘટનાને પગલે સમગ્ર વિસ્તારમાં ભારે તણાવ અને સનસનાટી મચી ગઈ છે.
Pankaj Tripathi Brother Attacked – ગોપાલગંજથી પટના AIIMS માં રિફર કરાયા
હુમલા બાદ લોહીલુહાણ હાલતમાં બિજેન્દ્ર નાથ તિવારીને તાત્કાલિક સ્થાનિક ગોપાલગંજ મોડલ હોસ્પિટલમાં ખસેડવામાં આવ્યા હતા. જ્યાં પ્રાથમિક સારવાર આપ્યા બાદ તેમની ગંભીર સ્થિતિને જોતા તબીબોએ વધુ સારવાર માટે પટના સ્થિત એઈમ્સ (AIIMS Patna) હોસ્પિટલમાં રિફર કર્યા છે.
Pankaj Tripathi Brother Attacked – પોલીસ દ્વારા સંયુક્ત તપાસ અને કડક કાર્યવાહી
ઘટનાની જાણ થતાં જ પોલીસ કાફલો ઘટનાસ્થળે અને હોસ્પિટલ પહોંચી ગયો હતો. પોલીસે આ મામલે પંકજ ત્રિપાઠીના પરિવારજનો અને આસપાસના લોકોની પૂછપરછ કરીને તમામ આરોપીઓની ઓળખ કરી લીધી છે. ગોપાલગંજ પોલીસના જણાવ્યા અનુસાર, આરોપીઓની ધરપકડ કરવા માટે એક ખાસ સ્પેશિયલ ટીમ (Special Investigation Team) ની રચના કરવામાં આવી છે અને વિવિધ સ્થળોએ દરોડા પાડવામાં આવી રહ્યા છે. પોલીસનું કહેવું છે કે સંપૂર્ણ તપાસ બાદ જ હુમલા પાછળનું અસલી કારણ સ્પષ્ટ થશે. પંકજ ત્રિપાઠી પોતે પણ અવારનવાર પોતાના આ પૈતૃક ગામની મુલાકાતે આવતા રહે છે.
