ન્યૂઝ કન્ટીન્યુઝ બ્યૂરો
નવી દિલ્હી
22 જુન 2020
લોકડાઉનને કારણે સામાન્ય લોકોના ધંધા રોજગાર ઠપ્પ થતા આર્થિક તંગી નડી રહી છે. એવા સમયે સતત આજે 16 માં દિવસે પેટ્રોલ-ડિઝલની કિંમતમાં સતત વધારો થવો સામાન્ય નાગરીકની હાલત, પડતા પર પાટું જેવી સ્થિતિ છે.
પેટ્રોલના ભાવમાં આજે 33 પૈસાનો વધારો થયો, જ્યારે ડીઝલના ભાવમાં 57 પૈસાનો વધારો નોંધાયો છે. આમ કુલ એક લિટર પેટ્રોલનો ભાવ આજ થી દિલ્હી ખાતે 79.56 રૂપિયા છે. જ્યારે ડીઝલની કિંમત 78.85 ચુકવવી પડશે.
આમ આજે આંતરરાષ્ટ્રીય બજારમાં ક્રૂડના ભાવમાં મામૂલી વધારો થતાં જ ઘરઆંગણે ઇંધણના ભાવમાં વધારો કરી દેવામાં આવ્યો છે. પેટ્રોલ-ડીઝલના ભાવમાં એકધારો વધારો નોંધાઈ રહ્યો છે અને આ ભાવ વધારામાં સૌથી મોટો હિસ્સો 'ટેક્સ'નો છે, 50.69 રૂપિયા પ્રતિ લીટર છે. જેમાં કેન્દ્ર સરકારે ક્રૂડ વધતા એક્સાઇઝ ડ્યુટી વધારી અને રાજ્યોએ વેટ વધારી દીધાનું પરિણામ છે.
આમ આ સપ્તાહના પ્રથમ કારોબારી દિવસે તેલની કિંમતો વધી છે. હવે વાત કરીએ કુલ 16 દિવસમાં કેટલા પૈસા વધ્યા? તો પેટ્રોલના ભાવમાં કુલ 8.30 રૂપિયા અને ડીઝલમાં કુલ 9.45 રૂપિયાનો ભાવ વધારો નોંધાયો છે.
આથી જો કેન્દ્ર સરકાર એકસાઇઝ ડયૂટી અને રાજ્ય સરકાર વેટમાં ઘટાડો કરે તો જ ઇંધણ સસ્તુ થાય અને સામાન્ય જનતાને રાહત મળી શકે એમ છે.
ગુજરાતી બ્રેકિંગ ન્યૂઝ માટે વોટ્સઅપ ગ્રુપ માં નીચે આપેલી લિંક દબાવીને જોડાઓ.
News Continuous (ન્યૂઝ કંટીન્યૂઝ)
YouTube : https://www.youtube.com/NewsContinuous
Twitter : https://twitter.com/NewsContinuous
Facebook : https://www.facebook.com/newscontinuous
Instagram : https://www.instagram.com/newscontinuous/
Email : TheNewsContinuous@gmail.com
