News Continuous Bureau | Mumbai

President Draupadi Murmu રાષ્ટ્રપતિ દ્રૌપદી મુર્મુએ બુધવારે સવારે હરિયાણાના અંબાલા એરફોર્સ સ્ટેશનથી રાફેલ ફાઇટર જેટમાં ઉડાન ભરીને ઇતિહાસ રચ્યો છે. આ દરમિયાન એર ચીફ માર્શલ એ પી સિંહ સહિત અન્ય અધિકારીઓ હાજર રહ્યા હતા. આ ઉડાન માત્ર તેમની સાહસિક નેતૃત્વ શૈલીનું પ્રતીક નથી, પરંતુ ભારતની વધતી સંરક્ષણ ક્ષમતા અને ‘આત્મનિર્ભર ભારત’ના સંકલ્પને પણ દુનિયા સમક્ષ પ્રદર્શિત કરે છે.આ પહેલા ૮ એપ્રિલ ૨૦૨૩ના રોજ રાષ્ટ્રપતિ મુર્મુએ આસામના તેજપુર એરફોર્સ સ્ટેશનથી સુખોઈ-૩૦ એમકેઆઈ ફાઇટર વિમાનમાં ઉડાન ભરી હતી. આ સાથે જ તેઓ ફાઇટર જેટમાં ઉડાન ભરનારા ત્રીજા રાષ્ટ્રપતિ અને બીજા મહિલા રાષ્ટ્રધ્યક્ષ બન્યા હતા. તેમના પહેલા પૂર્વ રાષ્ટ્રપતિ એપીજે અબ્દુલ કલામ અને પ્રતિભા પાટીલે પણ સુખોઈ-૩૦ એમકેઆઈ ફાઇટર વિમાનમાં ઉડાન ભરી હતી.

ભારતીય વાયુસેનામાં રાફેલનું મહત્વ

તમને જણાવી દઈએ કે ફ્રાન્સની એરોસ્પેસ અગ્રણી દસોલ્ટ એવિએશન દ્વારા નિર્મિત રાફેલ ફાઇટર જેટને ઔપચારિક રીતે સપ્ટેમ્બર ૨૦૨૦માં અંબાલા એર ફોર્સ સ્ટેશન પર ભારતીય વાયુસેનામાં સામેલ કરવામાં આવ્યું હતું. ફ્રાન્સથી ૨૭ જુલાઈ, ૨૦૨૦ના રોજ આવેલા પહેલા પાંચ રાફેલ વિમાનોને ૧૭ સ્ક્વોડ્રન, ‘ગોલ્ડન એરોઝ’માં સામેલ કરવામાં આવ્યા હતા. આ જેટ વાયુસેનાની તાકાતનો એક મહત્વપૂર્ણ હિસ્સો છે. રાફેલ જેટનો ઉપયોગ ઓપરેશન સિંદૂરમાં કરવામાં આવ્યો હતો, જેણે ૭ મેના રોજ પાકિસ્તાન નિયંત્રિત વિસ્તારોમાં ઘણા આતંકવાદી માળખાને નષ્ટ કર્યા હતા. આ ઓપરેશનમાં રાફેલે પોતાની ક્ષમતાઓનું પ્રદર્શન કર્યું હતું.

#WATCH | Haryana: President Droupadi Murmu to shortly take a sortie in the Rafale aircraft at the Ambala Air Force Station pic.twitter.com/Ekqv0B5urH

— ANI (@ANI) October 29, 2025