News Continuous Bureau | Mumbai
Railway Food Hygiene Upgrade ભારતીય રેલવે (Indian Railways) દ્વારા ટ્રેનોમાં પીરસાતા ભોજનની ગુણવત્તા અને સ્વચ્છતા (Hygiene) સુનિશ્ચિત કરવા માટે આર્ટિફિશિયલ ઇન્ટેલિજન્સ સંચાલિત કેમેરા (AIPowered Cameras) અને રેલ મદદ (Rail Madad) એપ આધારિત સર્વેલન્સ સિસ્ટમ સક્રિય કરવામાં આવી છે.
Railway Food Hygiene Upgrade – પેન્ટ્રી કાર અને બેઝ કિચનમાં રસોઈથી લઈને પેકિંગ સુધી AI રાખશે ચાંપતી નજર
ટ્રેનોમાં સફર કરતા મુસાફરોને શુદ્ધ અને સ્વચ્છ આહાર મળી રહે તે સુનિશ્ચિત કરવા રેલવે બોર્ડ અને આઈઆરસીટીસી (IRCTC) દ્વારા અત્યાધુનિક ડિજિટલ મોનિટરિંગ સિસ્ટમ અમલમાં મૂકવામાં આવી છે. ટ્રેનોની પેન્ટ્રી કાર (Pantry Cars) તેમજ સ્ટેશનો પર આવેલા બેઝ કિચન્સમાં આર્ટિફિશિયલ ઇન્ટેલિજન્સ (Artificial Intelligence) ટેકનોલોજીથી સજ્જ હાઈ-રિઝોલ્યુશન કેમેરા ગોઠવવામાં આવ્યા છે. આ કેમેરા માત્ર વિઝ્યુઅલ રેકોર્ડિંગ જ નહીં કરે, પરંતુ રસોઈયા અને સ્ટાફે માસ્ક, હેપ્સ અને ગ્લોવ્ઝ પહેર્યા છે કે નહીં, કચરાનો યોગ્ય નિકાલ થાય છે કે નહીં તેમજ રસોઈ અને પેકિંગ દરમિયાન સ્વચ્છતાના માપદંડો (Hygiene Standards) જળવાય છે કે નહીં તેની વાસ્તવિક સમયમાં સ્વચાલિત ચકાસણી કરશે. જો કોઈ ક્ષતિ જણાશે, તો કંટ્રોલ રૂમમાં તાત્કાલિક એલર્ટ (Alert) જનરેટ થશે.
Railway Food Hygiene Upgrade – બેદરકારી કે ઉંદર-જીવાત દેખાશે તો આપોઆપ જનરેટ થશે ચેતવણી
આ નવતર પ્રણાલી માત્ર માનવીય ભૂલો પૂરતી મર્યાદિત નથી, પરંતુ કિચન પરિસરમાં જીવાત, વંદો કે ઉંદર જેવી અનિચ્છનીય હિલચાલને પણ તાત્કાલિક પકડી પાડવા સક્ષમ છે. જો રસોઈ બનાવતી વખતે કે ફૂડ પેકિંગ (Food Packing) દરમિયાન કોઈ અસ્વચ્છતા જોવા મળશે, તો સોફ્ટવેર તરત જ સ્થાનિક સુપરવાઈઝર અને વરિષ્ઠ અધિકારીઓને સૂચિત કરી દેશે. આ સિવાય ખાદ્ય સામગ્રીની સપ્લાય ચેઈન અને વિતરણ સમય પર પણ નજર રાખવામાં આવી રહી છે, જેથી મુસાફરોને માત્ર તાજુ અને ગુણવત્તાયુક્ત ભોજન (Quality Food) જ પીરસવામાં આવે. નિયમોનું ઉલ્લંઘન કરનારા કેટરિંગ કોન્ટ્રાક્ટરો સામે ભારે દંડ (Penalties) અને લાયસન્સ રદ કરવા સુધીની કડક જોગવાઈઓ રાખવામાં આવી છે.
Railway Food Hygiene Upgrade – પ્રવાસીઓ ‘રેલ મદદ’ એપ દ્વારા ફોટો-વીડિયો સાથે કરી શકશે રિયલ ટાઈમ ફરિયાદ
ભોજનની ગુણવત્તા અંગે મુસાફરોની ભાગીદારી વધારવા માટે રેલવેના સત્તાવાર ફરિયાદ પોર્ટલ ‘રેલ મદદ’ (Rail Madad App) ને વધુ સક્ષમ બનાવવામાં આવ્યું છે. મુસાફરોને જો ટ્રેનમાં ભોજનની ગુણવત્તા, ટેસ્ટ, સ્વચ્છતા કે વધારે ભાવ વસૂલવા બાબતે કોઈ પણ સમસ્યા જણાય, તો તેઓ પોતાની સીટ પરથી જ મોબાઈલ એપ મારફતે ભોજનનો ફોટો કે વીડિયો અપલોડ કરીને ફરિયાદ (Online Complaint) નોંધાવી શકે છે. આ ફરિયાદ સીધી જ ઓન-બોર્ડ કેટરિંગ મેનેજર અને ડિવિઝનલ ઓફિસર્સ સુધી પહોંચશે, જેથી ચાલુ મુસાફરી દરમિયાન જ મુસાફરની સમસ્યાનું તાત્કાલિક નિરાકરણ (Real-time Resolution) લાવી શકાશે.
👉 આ સમાચાર વાચો:
Food Warning Labels Row પેક્ડ ફૂડ પર લાલ રંગના ચેતવણી લેબલ લગાવવાના નિયમ સામે ફૂડ કંપનીઓનો વિરોધ, સરકાર સમક્ષ ફેરવિચારણાની માંગ; જાણો કારણ..
