News Continuous Bureau | Mumbai
Shamali UP Police Encounter Mehtab ઉત્તર પ્રદેશ (UP) માં ગુનેગારો સામે પોલીસ પ્રશાસને ફરી એકવાર સખત કાર્યવાહી શરૂ કરી છે. યુપીના શામલી જિલ્લામાં વહેલી સવારે પોલીસ અને રીઢા ગુનેગારો વચ્ચે થયેલા એક ભયાનક એન્કાઉન્ટરમાં ૫૦ હજાર રૂપિયાનું ઇનામ ધરાવતો મોટો બદમાશ મહેતાબ ઉર્ફે બેચૈન માર્યો ગયો છે. અહેવાલ મુજબ, આ લોહિયાળ મુઠભેડ દરમિયાન યુપી પોલીસના એક જાંબાઝ સબઇન્સ્પેક્ટર પણ ગોળી વાગવાથી ગંભીર રીતે ઘાયલ થયા છે, જેમને સારવાર માટે હોસ્પિટલ ખસેડાયા છે. માર્યો ગયેલો બદમાશ વિસ્તારના કુખ્યાત ‘મુકીમ ઉર્ફે કાલા’ ગેંગનો અત્યંત સક્રિય સભ્ય હતો.
Shamali UP Police Encounter Mehtab – યુવક સાથે ગુનો આચરીને ભાગતા બદમાશોને પોલીસે જંગલ વિસ્તારમાં ઘેર્યા
આ એન્કાઉન્ટર શામલી જિલ્લાના કાંધલા પોલીસ સ્ટેશન વિસ્તારમાં આવેલા ખંદરાવલીના ગાઢ જંગલોમાં થયું હતું. પોલીસ કંટ્રોલ રૂમને બાબરી પોલીસ સ્ટેશન અને આદર્શ મંડી પોલીસ સ્ટેશન વિસ્તાર વચ્ચે એક ચોક્કસ માહિતી મળી હતી કે બાઇક સવાર બે બદમાશો એક સ્થાનિક યુવક સાથે કોઈ મોટી ગુનાહિત ઘટનાને અંજામ આપીને નાસી રહ્યા છે. માહિતી મળતાં જ સતર્ક પોલીસે ચારેય તરફ નાકાબંધી કરીને ઘેરાબંધી શરૂ કરી હતી, જેના કારણે ગભરાયેલા બદમાશો કાંધલા વિસ્તાર તરફ ભાગ્યા હતા.
Shamali UP Police Encounter Mehtab – બાઇક રોકવાનો ઇશારો કરતાં જ પોલીસ પર કર્યું ફાયરિંગ, વળતા જવાબમાં બદમાશ ઢેર
કાંધલા પોલીસ સ્ટેશનની ટીમ પણ તાત્કાલિક ઘટનાસ્થળે દોડી ગઈ હતી. પોલીસે જ્યારે સામેથી આવી રહેલા બાઇક સવાર બંને શંકાસ્પદ બદમાશોને રોકવાનો ઇશારો કર્યો, ત્યારે આત્મસમર્પણ કરવાને બદલે બદમાશોએ પોલીસ પાર્ટી પર સીધું અંધાધૂંધ ફાયરિંગ શરૂ કરી દીધું હતું. પોલીસે સ્વબચાવમાં વળતો જવાબ આપતા બંને તરફથી જોરદાર ગોળીબાર થયો હતો. આ ક્રોસ ફાયરિંગમાં પોલીસની ગોળી વાગવાથી મુખ્ય બદમાશ મહેતાબ ઘટનાસ્થળે જ ઢળી પડ્યો હતો, જ્યારે તેનો બીજો સાથી જંગલના રસ્તે અંધારાનો લાભ લઈને ભાગી છૂટવામાં સફળ રહ્યો હતો.
Shamali UP Police Encounter Mehtab – સબ-ઇન્સ્પેક્ટર દીપચંદ ઘાયલ, ઘટનાસ્થળેથી દેશી કાર્બાઇન અને પિસ્તોલ કબ્જે
આ અથડામણમાં બદમાશોની ગોળી વાગવાથી પોલીસના સબ-ઇન્સ્પેક્ટર દીપચંદ પણ ઘાયલ થયા હતા. પોલીસે ઘાયલ દરોગા અને ગોળી વાગવાથી લોહીલુહાણ થયેલા બદમાશ મહેતાબને તાત્કાલિક જિલ્લા હોસ્પિટલમાં ભરતી કરાવ્યા હતા, જ્યાં ડોક્ટરોએ સારવાર દરમિયાન મહેતાબને મૃત જાહેર કર્યો હતો. પોલીસ રેકોર્ડ મુજબ, માર્યા ગયેલા બદમાશ મહેતાબ ઉર્ફે બેચૈન વિરૂદ્ધ હત્યા, લૂંટ અને ખંડણી જેવા આશરે ૩ ડઝન (૩૬) થી વધુ ગંભીર ગુનાહિત કેસો નોંધાયેલા હતા, જેના કારણે શામલી પોલીસે તેના પર ૫૦,૦૦0 રૂપિયાનું રોકડ ઇનામ જાહેર કર્યું હતું. પોલીસે ઘટનાસ્થળેથી એક પ્રતિબંધિત દેશી કાર્બાઇન, એક પિસ્તોલ અને મોટી સંખ્યામાં વપરાયેલા કારતૂસ (ખોખા) જપ્ત કરી ફરાર થઈ ગયેલા બીજા બદમાશને પકડવા માટે જંગલમાં સર્ચ ઓપરેશન તેજ કર્યું છે.
👉 આ સમાચાર વાચો:
Mumbai Mayank Lohar Murder Delivery Boy મુંબઈ લોકલ ટ્રેન મયંક મર્ડર કેસમાં મોટો ધમાકો! મુખ્ય આરોપી રોશનને ધારદાર છરો આપનાર ડિલિવરી બોય મિત્રની થઈ એન્ટ્રી
