News Continuous Bureau | Mumbai
BBCની દિલ્હી અને મુંબઈ ઓફિસ પર ઈન્કમટેક્સ વિભાગ (IT)ની ટીમનો સર્વે બીજા દિવસે પણ ચાલુ છે. મીડિયા રિપોર્ટ અનુસાર, ઈન્ટરનેશનલ ટેક્સમાં ગેરરીતિઓને લઈને ઈન્કમ ટેક્સ ડિપાર્ટમેન્ટે BBC ઓફિસ પર દરોડા પાડ્યા છે. આવકવેરા વિભાગના અધિકારીઓએ તમામ કર્મચારીઓના ફોન પણ જપ્ત કરી લીધા છે. આ સાથે કર્મચારીઓને ઓફિસ છોડીને ઘરે જવા માટે કહેવામાં આવ્યું છે.
બીબીસી પર આવકવેરા વિભાગની આ કાર્યવાહી બાદ વિપક્ષે તેને ગુજરાત રમખાણો પરની બીબીસીની ડોક્યુમેન્ટ્રી સાથે જોડી દીધી છે. આવકવેરા વિભાગની કાર્યવાહીને લઈને વિપક્ષે કેન્દ્ર સરકાર પર નિશાન સાધ્યું છે. પરંતુ આ પહેલીવાર નથી જ્યારે બીબીસીને નિશાન બનાવવામાં આવ્યું હોય. અગાઉ, કોંગ્રેસના સમયગાળા દરમિયાન પણ, ભારત વિશે ખોટી માહિતી ફેલાવવાના આરોપ હેઠળ તેના પર પ્રતિબંધ મૂકવામાં આવ્યો હતો.
બીબીસી પર ઈન્દિરા સરકારે બે વખત પ્રતિબંધ મૂક્યો હતો
1975માં ઈન્દિરા ગાંધી સરકારે BBC પર પ્રતિબંધ મૂક્યો હતો. બીબીસીએ બે ડોક્યુમેન્ટ્રી સિરીઝ ચલાવી હતી.
ડોક્યુમેન્ટ્રી નામો
- કલકત્તા
- ફેન્ટમ ઈન્ડિયા
આ બંને ડોક્યુમેન્ટ્રીનું નિર્દેશન ફ્રેન્ચ દિગ્દર્શકોએ કર્યું હતું. ઈન્દિરા ગાંધી સરકારે બીબીસી પર આ બે ડોક્યુમેન્ટ્રી દ્વારા વિશ્વ સમક્ષ ભારતનું નકારાત્મક ચિત્ર રજૂ કરવાનો આરોપ લગાવ્યો અને બીબીસી પર 2 વર્ષ માટે પ્રતિબંધ મુકવામાં આવ્યો.
આ સમાચાર પણ વાંચો :આ વર્ષની શિવ જયંતિ હશે ખાસ! આગ્રાના આ કિલ્લામાં ઉજવાશે છત્રપતિ શિવાજી મહારાજની જન્મ જયંતિ.. પુરાતત્વ વિભાગે આપી મંજૂરી
14 ઓગસ્ટ, 1975ના રોજ કોંગ્રેસના 41 સાંસદો દ્વારા એક નિવેદન પર પણ હસ્તાક્ષર કરવામાં આવ્યા હતા. જેમાં બીબીસી પર ‘તોડી-મરોડીને ભારત વિરોધી વાર્તાઓ’ પ્રસારિત કરવાનો આરોપ મૂક્યો હતો અને સરકારને કહ્યું હતું કે ‘બીબીસીને ભારતની ધરતી પરથી ફરી રિપોર્ટ કરવાની મંજૂરી ન આપો’. નિવેદનમાં કહેવામાં આવ્યું હતું કે ‘બીબીસીએ ભારતને બદનામ કરવાની અને દેશને ખોટી રીતે રજૂ કરવાની એક પણ તક છોડતી નથી.’
આ પછી જૂન 2008માં, ભારત સરકાર અને બીબીસી વચ્ચે બીજી વખત ઘર્ષણ થયું. બીબીસીએ વર્કશોપમાં કામ કરતા બાળકોના પેનોરમા શોના ફૂટેજ બતાવ્યા. આને લઈને ઘણો હોબાળો થયો હતો અને બીબીસી દ્વારા એવો આક્ષેપ કરવામાં આવ્યો હતો કે ભારત બાળ મજૂરીને પ્રોત્સાહન આપી રહ્યું છે. જોકે પછી તે તમામ ફૂટેજ નકલી નીકળ્યા.
આમ એક સમયે કોંગ્રેસના નેતાઓ જ BBC પર ભારત વિરોધી પ્રચાર કરવાનો આરોપ મૂકીને તેને બેન કરાવવા માંગતા હતા, અને એક સમયના કોંગ્રેસના વડા પ્રધાને સમગ્ર દેશમાં BBC પર પ્રતિબંધ પણ મૂકી દીધો હતો. હાલ એ જ કોંગ્રેસના નેતાઓ BBC ની માત્ર એક ડોક્યુમેન્ટરી બ્લોક થવા પર આંસુ સારતા હોય એ કેટલું આશ્ચર્યજનક કહેવાય!
આ સમાચાર પણ વાંચો : મહારાષ્ટ્રનું આ શહેર હવે ઓળખાશે ‘ધારશિવ’ તરીકે, કેન્દ્ર સરકારે આપી દીધી મંજૂરી
