News Continuous Bureau | Mumbai
AFG vs AUS: T20 વર્લ્ડ કપ 2024માં ( T20 World Cup 2024 ) અફઘાનિસ્તાને મોટો અપસેટ સર્જ્યો છે. તેણે 7 વખતની ચેમ્પિયન ઓસ્ટ્રેલિયન ટીમને હરાવી દીધી હતી. સુપર 8 મેચમાં અફઘાનિસ્તાનનો ઓસ્ટ્રેલિયન સામે 21 રને વિજય થયો હતો. પ્રથમ બેટિંગ કરતા અફઘાનિસ્તાને 149 રનનો લક્ષ્યાંક આપ્યો હતો. જવાબમાં ઓસ્ટ્રેલિયાની ટીમ 127 રનના સ્કોર પર ઓલઆઉટ થઈ ગઈ હતી. અફઘાનિસ્તાન તરફથી ગુલાબદિન નાયબે 4 વિકેટ ઝડપી હતી. જ્યારે નવીન-ઉલ-હકે 3 વિકેટ લીધી હતી.
ટોસ હાર્યા બાદ પ્રથમ બેટિંગ કરવા ઉતરેલી અફઘાન ( Afghanistan ) ટીમે 20 ઓવરમાં 6 વિકેટ ગુમાવીને 148 રન બનાવ્યા હતા. આ દરમિયાન ઓપનર ગુરબાઝે 49 બોલનો સામનો કરીને 60 રન બનાવ્યા હતા. તેણે 4 ચોગ્ગા અને 4 છગ્ગા ફટકાર્યા હતા. તો ઈબ્રાહિમ ઝદરાને 51 રનની ઈનિંગ રમી હતી. તેણે 48 બોલનો સામનો કર્યો અને 6 ચોગ્ગા ફટકાર્યા હતા. આ દરમિયાન ઓસ્ટ્રેલિયા ( Australia ) તરફથી પેટ કમિન્સે 3 વિકેટ ઝડપી હતી. તો એડમ ઝમ્પાએ 2 વિકેટ લીધી હતી.
AFG vs AUS: ઓસ્ટ્રેલિયન ટીમે 6 વખત ODI વર્લ્ડ કપ અને એક વખત T20 વર્લ્ડ કપ જીત્યો છે..
અફઘાનિસ્તાન સામે મેદાનમાં ઉતરેલી દિગ્ગજોથી ભરેલી કાંગારૂ ટીમે હારનો સામનો કરવો પડ્યો હતો. ઓસ્ટ્રેલિયાની ટીમ પૂરી 20 ઓવર પણ રમી શકી નહોતી. તે 19.2 ઓવરમાં 127 રન બનાવીને ઓલઆઉટ થઈ ગઈ હતી. ઓસ્ટ્રેલિયા તરફથી ગ્લેન મેક્સવેલે 41 બોલનો સામનો કરીને 59 રન બનાવ્યા હતા. તેણે 6 ફોર અને 3 સિક્સર ફટકારી હતી. કેપ્ટન મિચેલ માર્શ 12 રન બનાવીને આઉટ થઈ ગયો હતો. માર્કસ સ્ટોઈનિસ 11 રન બનાવીને આઉટ થયો હતો. ઓપનર ટ્રેવિસ હેડ ખાતું પણ ખોલાવી શક્યો નહોતો. સ્ટોઇનિસ 11 રન બનાવીને પેવેલિયન પરત ફર્યો હતો. મેથ્યુ વેડ 5 રન બનાવીને આઉટ થયો હતો.
આ સમાચાર પણ વાંચો : International Yoga Day: કાનૂની બાબતોના વિભાગ દ્વારા 10મા આંતરરાષ્ટ્રીય યોગ દિવસ નિમિત્તે યોગ અને ધ્યાન સત્રનું આયોજન
અફઘાનિસ્તાનના બોલરોએ ઓસ્ટ્રેલિયાને પરેશાન કરી નાખ્યું હતું. ગુલાબદિન નાયબે 4 ઓવરમાં માત્ર 20 રન આપીને 4 વિકેટ ઝડપી લીધી હતી. બીજી તરફ નવીન-ઉલ-હકે પણ 4 ઓવરમાં 20 રન આપીને 3 વિકેટ લીધી હતી. મોહમ્મદ નબીએ 1 ઓવરમાં માત્ર 1 રન આપ્યો અને 1 વિકેટ લીધી હતી. કેપ્ટન રાશિદ ખાનને પણ આમાં સફળતા મળી. ઓમરઝાઈએ પણ એક વિકેટ લીધી હતી.
ઓસ્ટ્રેલિયન ટીમે 6 વખત ODI વર્લ્ડ કપ અને એક વખત T20 વર્લ્ડ કપ જીત્યો છે. આમ તે 7 વખત વર્લ્ડ ચેમ્પિયન રહ્યું છે. ઓસ્ટ્રેલિયાએ 2021માં T20 વર્લ્ડ કપનો ખિતાબ જીત્યો હતો. તેણે 6 વખત ODI વર્લ્ડ કપનો ખિતાબ જીત્યો છે. ઓસ્ટ્રેલિયાએ 1987, 1999, 2003, 2007, 2015 અને 2023માં ODI વર્લ્ડ કપનો ખિતાબ જીત્યો હતો.
