News Continuous Bureau | Mumbai
GT vs PBKS Ashutosh Sharma: પંજાબ કિંગ્સે નરેન્દ્ર મોદી સ્ટેડિયમમાં ગુજરાત ટાઇટન્સ સામે 200 રનનો ટાર્ગેટ હાંસલ કરીને મેચ જીતી લીધી હતી. પ્રથમ બેટિંગ કરતા ગુજરાતે 199 રન બનાવ્યા હતા. પંજાબની અડધી ટીમ 111 રન પર પેવેલિયન પરત ફરી હતી. છઠ્ઠી વિકેટ 150ના સ્કોર પર પડી હતી. તેમ છતાં પંજાબની ટીમનો વિજય થયો હતો. તેનું મુખ્ય કારણ શશાંક સિંહ સાથે આશુતોષ શર્માની ( Ashutosh Sharma ) ભાગીદારી હતી. 25 વર્ષના આશુતોષે 17 બોલમાં 31 રન બનાવ્યા હતા.
આશુતોષે અગાઉ ટી20માં યુવરાજ સિંહનો સૌથી ઝડપી અડધી સદીનો રેકોર્ડ તોડ્યો હતો…
આશુતોષે અગાઉ ટી20માં યુવરાજ સિંહનો સૌથી ઝડપી અડધી સદીનો રેકોર્ડ તોડ્યો હતો. આશુતોષે ઓક્ટોબર 2023માં સૈયદ મુશ્તાક અલી ટ્રોફી ગ્રુપ સી મેચમાં અરુણાચલ પ્રદેશ સામે માત્ર 11 બોલમાં અડધી સદી ફટકારી હતી. આ સાથે તેણે ઇંગ્લેન્ડ સામે માત્ર 12 બોલમાં અડધી સદી ફટકારવાના યુવરાજના 16 વર્ષ જૂના રેકોર્ડને પાછળ છોડી દીધો. યુવીએ 2007 T20 વર્લ્ડ કપમાં ( T20 World Cup ) ઈંગ્લેન્ડ સામે આ સિદ્ધિ મેળવી હતી.
આ સમાચાર પણ વાંચો : MNS Gudi padwa Melava: મહારાષ્ટ્રમાં રાજ ઠાકરેની ગુડીપાડવા સભાનું જોરદાર ટ્રેલર લોન્ચ, થશે મોટો ખુલાસો! વિડીયોમાં આપ્યા સંકેતો.
વાત કરીએ આ મેચની તો છઠ્ઠી વિકેટ પડી ગયા બાદ, આશુતોષ ઈમ્પેક્ટ પ્લેયર તરીકે ક્રિઝ પર આવ્યો ત્યારે પંજાબની ટીમને 27 બોલમાં જીતવા માટે 50 રનની જરૂર હતી. આશુતોષે 18મી ઓવરમાં મોહિત શર્મા સામે સિક્સર ફટકારતા પહેલા 18મી ઓવરમાં અઝમતુલ્લાહની બોલ પર ત્રણ ચોગ્ગા ફટકાર્યા હતા. અહીંથી મેચ ( IPL 2024 ) પંજાબ તરફ વળી હતી. 16 ટી20 મેચ રમી ચૂકેલા આશુતોષે 197ના સ્ટ્રાઈક રેટથી 450 રન બનાવ્યા છે. જેમાં 31 છગ્ગાનો સમાવેશ થાય છે. તેણે 7 લિસ્ટ A અને 4 ફર્સ્ટ ક્લાસ મેચ પણ રમી છે.