World Cup 2023: પાકિસ્તાન-શ્રીલંકા મેચમાં રેકોર્ડનો ધમધમાટ! વર્લ્ડ કપના ઈતિહાસમાં પ્રથમ વખત શ્રીલંકા-પાકિસ્તાન ટીમે બનાવ્યો આ અનોખો રેકોર્ડ.. જાણો શું છે આ રેકોર્ડ..

World Cup 2023: ટુર્નામેન્ટ શરૂ થયાને એક અઠવાડિયું પણ પસાર થયું નથી અને વર્લ્ડ કપ ઘણા ઐતિહાસિક રેકોર્ડના સાક્ષી બન્યું છે. પાકિસ્તાન અને શ્રીલંકા મેચમાં એક ઐતિહાસિક રેકોર્ડ સર્જાયો છે જે આજ સુધી વર્લ્ડ કપના ઈતિહાસમાં ક્યારેય બન્યો નથી.

by Akash Rajbhar
For the first time in the history of the World Cup, the Sri Lanka-Pakistan team made this unique record

News Continuous Bureau | Mumbai 

World Cup 2023: ICC ODI વર્લ્ડ કપ 2023ની મેગા ટૂર્નામેન્ટની શાનદાર શરૂઆત થઈ છે. ટુર્નામેન્ટ શરૂ થયાને એક અઠવાડિયું પણ પસાર થયું નથી અને વર્લ્ડ કપ ઘણા ઐતિહાસિક રેકોર્ડના(rcords) સાક્ષી બન્યું છે. હૈદરાબાદમાં આયોજિત પાકિસ્તાન(pakistan) અને શ્રીલંકા(sri lanka) મેચમાં એક ઐતિહાસિક રેકોર્ડ સર્જાયો છે જે આજ સુધી વર્લ્ડ કપના ઈતિહાસમાં ક્યારેય બન્યો નથી.

હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાયેલી મેચમાં શાબ્દિક રીતે રનોનો વરસાદ થયો હતો. આ મેચમાં શ્રીલંકા અને પાકિસ્તાનના બે-બે ખેલાડીઓએ સદી ફટકારી હતી. બંને ટીમો વચ્ચેની આકરી હરીફાઈમાં, શ્રીલંકાના કુસલ મેન્ડિસ (122), સાદિરા સમરવિક્રમા (108) અને પાકિસ્તાનના અબ્દુલ્લા શફીક (113) અને મોહમ્મદ રિઝવાન (134*) એ પોતપોતાની સદી પૂરી કરી. ચારેય ખેલાડીઓએ સ્ટેડિયમની આસપાસ ચોગ્ગા અને છગ્ગા ફટકાર્યા હતા. આ મેચમાં એક જ દિવસમાં ચાર સદી ફટકારવામાં આવી છે. વર્લ્ડકપના ઈતિહાસમાં આ પ્રથમ વખત બન્યું છે કે એક જ મેચમાં આટલી સદી ફટકારવામાં આવી હોય.

શ્રીલંકાએ ટોસ જીતીને પ્રથમ બેટિંગ કરવાનો નિર્ણય લીધો હતો. જેમાં ત્રીજા નંબરે મેદાન પર આવેલા કુસલ મેન્ડિસે 77 બોલમાં 14 ચોગ્ગા અને 6 છગ્ગાની મદદથી 122 રન બનાવ્યા હતા. આ પછી સાદિરા સમરવિક્રમાએ પણ 89 બોલમાં 11 ચોગ્ગા અને 2 છગ્ગાની મદદથી 108 રન બનાવ્યા હતા. તો શ્રીલંકાએ પાકિસ્તાનને 345 રનનો પહાડી ટાર્ગેટ આપ્યો હતો. વર્લ્ડ કપમાં પાકિસ્તાન સામે કોઈપણ ટીમનો આ સૌથી મોટો સ્કોર છે.

અબ્દુલ્લા શફીકે અને રિઝવાની ધમાકેદાર ઈનિંગ્સ…

આ પછી, લક્ષ્યનો પીછો કરતી વખતે, પાકિસ્તાનના ઓપનર અબ્દુલ્લા શફીકે ખૂબ જ સંયમિત ઇનિંગ રમી અને 103 બોલમાં 10 ચોગ્ગા અને 3 છગ્ગાની મદદથી 133 રનની સદી ફટકારી હતી. શફીકને આઉટ ઓફ ફોર્મ ફખર ઝમાનની જગ્યાએ શ્રીલંકા સામેની ટીમમાં સામેલ કરવામાં આવ્યો હતો. વિકેટ બેટ્સમેન મોહમ્મદ રિઝવાને પહેલા શફીક સાથે સારી ભાગીદારી નોંધાવી હતી. આ સાથે જ તેણે પોતાના આઉટ થયા બાદ ટીમના લક્ષ્યને હાંસલ કરવાની જવાબદારી પણ લીધી હતી. રિઝવાને 121 બોલમાં 9 ચોગ્ગા અને 3 છગ્ગાની મદદથી અણનમ 134 રન બનાવ્યા હતા. તેની ઈનિંગ્સે જ પાકિસ્તાનની ટીમને જીત અપાવી હતી.

 

વર્લ્ડ કપ 2023માં જો આખા દિવસની વાત કરીએ તો પાંચ ખેલાડીઓએ સદી ફટકારી છે. પાકિસ્તાન અને શ્રીલંકા વચ્ચેની મેચ સિવાય સવારે રમાયેલી ઈંગ્લેન્ડ વિ બાંગ્લાદેશની મેચમાં પણ સદી ફટકારવામાં આવી હતી. ઈંગ્લેન્ડના ઓપનર ડેવિડ માલાને 107 બોલમાં 16 ચોગ્ગા અને 5 છગ્ગાની મદદથી 140 રન બનાવ્યા હતા. આ સાથે 36 વર્ષીય માલન વર્લ્ડ કપમાં ઈંગ્લેન્ડ માટે સદી ફટકારનાર સૌથી મોટી ઉંમરનો ખેલાડી બની ગયો છે.

આ સમાચાર પણ વાંચો : Mumbai Toll Plaza : મુંબઈમાં ટોલનો મુદ્દો ફરી એકવાર ગરમાયો…. ટોલ પર અંતિમ નિર્ણય સરકારના હાથમાં…. જાણો કેબિનેટની શું છે ભૂમિકા?

You Might Be Interested In
Join Our WhatsApp Community

About News Continues

News Continuous is created to spread authentic, accurate and correct news across platforms. This news venture is managed by experienced journalists. Drop an email for collaborations.

Newsletter

Subscribe to our Newsletter to get the latest news updates.

To explore your career & collaborate with us pls write to us on following email id info@newscontinuous.com

@2023 – All Right Reserved. 

This website uses cookies to improve your experience. We'll assume you're ok with this, but you can opt-out if you wish. Accept Read More