News Continuous Bureau | Mumbai

IND vs AUS: ભારત અને ઓસ્ટ્રેલિયા વચ્ચે પાંચ મેચની T20 સીરીઝ (T20 Series) ની પ્રથમ મેચ વિશાખાપટ્ટનમ ના મેદાન પર રમાઈ રહી છે. આ મેચમાં, પ્રથમ બેટિંગ માટે આમંત્રણ આપવામાં આવ્યા બાદ, ઓસ્ટ્રેલિયન ટીમે (Australia team) 20 ઓવરમાં 2 વિકેટના નુકસાન પર 208 રન બનાવ્યા હતા, જેમાં જોશ ઈંગ્લિશે 110 રનની શાનદાર સદી ફટકારી હતી. જોકે લક્ષ્યનો પીછો કરતી વખતે, ઓપનિંગ બેટ્સમેન ઋતુરાજ ગાયકવાડ (Ruturaj gaikwad)  એકપણ બોલ રમ્યા વિના શૂન્યના સ્કોર પર પેવેલિયન પરત ફર્યો, ત્યારબાદ તે T20 ઇન્ટરનેશનલમાં ‘ડાયમંડ ડક’ (Diamond duck) પર આઉટ થનાર ત્રીજો ભારતીય ખેલાડી (Indian player) બન્યો છે.

ગાયકવાડ પહેલા આ ખેલાડીઓ ‘ડાયમંડ ડક’ પર આઉટ થઈ ચૂક્યા છે…

ક્રિકેટમાં, જો કોઈ બેટ્સમેન કોઈ બોલ રમ્યા વિના આઉટ થઈ જાય, તો તેને ‘ડાયમંડ ડક’ કહેવામાં આવે છે.. યશસ્વી જયસ્વાલે (Yashasvi Jaiswal) શોટ રમ્યો, ત્યાર બાદ ઋતુરાજ ગાયકવાડ બીજો રન લેવા દોડ્યો, પરંતુ યશસ્વી જયસ્વાલ પોતાની ક્રિઝ પર પાછો ફર્યો. પરિણામે રૂતુરાજ ગાયકવાડે રન આઉટ થવું પડ્યું હતું. આ રીતે ઋતુરાજ ગાયકવાડ એકપણ બોલ રમ્યા વિના શૂન્ય પર પેવેલિયન પરત ફર્યો હતો. ઉલ્લેખનીય છે કે રુતુરાજ પહેલા જસપ્રીત બુમરાહ અને અમિત મિશ્રા T20 ઇન્ટરનેશનલમાં ડાયમંડ ડક્સ પર આઉટ થયા હતા.

Very bad call by jaiswal , Ruturaj Gaikwad Trusted on his call runs and he stops him at half track #INDvsAUS #INDvAUS #IndianCricket #IPLAuction #ipl2024 #RuturajGaikwad pic.twitter.com/KPsZ1Zudjt

— Ankit bhumla(Gurjar) (@Kuldeep13726336) November 23, 2023

જ્યારે ગાયકવાડ T20 ઈન્ટરનેશનલમાં ભારતીય ટીમનો પહેલો ઓપનિંગ બેટ્સમેન બન્યો છે, જે ડાયમંડ ડક પર પેવેલિયન પરત ફર્યો હોય. જયસ્વાલની વાત કરીએ તો તે પણ આ મેચમાં કંઈ ખાસ કરી શક્યો નહોતો અને માત્ર 8 બોલમાં 21 રન બનાવીને પેવેલિયન પરત ફર્યો હતો.

આ સમાચાર પણ વાંચોઃ Face Pack For Glowing Skin: ત્વચાની સંભાળ માટે ફળોની છાલનો ઉપયોગ કરો, અનેક સમસ્યાઓથી મળશે રાહત…

ભારતીય બોલરોએ નિરાશાજનક પ્રદર્શન કર્યું હતું

આ મેચમાં ભારતીય ટીમના યુવા બોલરોનું ખૂબ જ ખરાબ પ્રદર્શન જોવા મળ્યું હતું. જેમાં રવિ બિશ્નોઈએ 54 જ્યારે પ્રસિદ્ધ કૃષ્ણાએ 50 રન આપ્યા હતા. આ સિવાય અર્શદીપ સિંહે પોતાની 4 ઓવરમાં 41 રન આપ્યા હતા. જ્યારે અક્ષર પટેલ અને મુકેશ કુમારે ચોક્કસપણે થોડું સારું બોલિંગ પ્રદર્શન કર્યું હતું, જેમાં અક્ષરે 32 રન આપ્યા હતા જ્યારે મુકેશ કુમારે 29 રન આપ્યા હતા.