News Continuous Bureau | Mumbai
IND vs SA: ભારત અને દક્ષિણ આફ્રિકા વચ્ચે કેપટાઉનમાં રમાયેલી બીજી ટેસ્ટ ( Test Match ) બે દિવસ પહેલા સમાપ્ત થઈ ગઈ હતી. મેચનું પરિણામ લગભગ દોઢ દિવસમાં જ આવી ગયું. જે ભારતની તરફેણમાં આવ્યું હતું. કેપટાઉનમાં રમાયેલી ટેસ્ટમાં મહેમાન ભારતે યજમાન દક્ષિણ આફ્રિકાને 7 વિકેટે હરાવ્યું હતું. ભારત અને આફ્રિકા વચ્ચે રમાયેલી આ મેચ 147 વર્ષના ટેસ્ટ ઈતિહાસમાં બોલની દ્રષ્ટિએ સૌથી નાની ટેસ્ટ મેચ રહી હતી. મેચ પૂરી કરવા માટે માત્ર 642 બોલ ફેંકાયા હતા, જેમાં કુલ 107 ઓવર જ બોલીંગ કરાઈ હતી.
આ પહેલા ઓસ્ટ્રેલિયા અને દક્ષિણ આફ્રિકા ( South Africa ) વચ્ચે 1932માં સૌથી ટૂંકી ટેસ્ટ મેચ ( short test match ) રમાઈ હતી, જે 656 બોલમાં પૂરી થઈ હતી. પરંતુ હવે ભારત ( Team India ) અને દક્ષિણ આફ્રિકા વચ્ચે રમાયેલી ટેસ્ટના નામે આ ખાસ રેકોર્ડ નોંધાઈ ગયો છે. મેચમાં બે દિવસ પણ પૂરા ન થયા અને ટીમ ઈન્ડિયાને જીત મળી ગઈ છે. ટેસ્ટ ક્રિકેટમાં ( test cricket ) બે દિવસ પહેલા મેચ પૂર્ણ થઈ જાય તે બહુ જ દુર્લભ છે.
𝘼 𝙘𝙧𝙖𝙘𝙠𝙚𝙧 𝙤𝙛 𝙖 𝙬𝙞𝙣! ⚡️ ⚡️#TeamIndia beat South Africa by 7⃣ wickets in the second #SAvIND Test to register their first Test win at Newlands, Cape Town. 👏 👏
Scorecard ▶️ https://t.co/PVJRWPfGBE pic.twitter.com/vSMQadKxu8
— BCCI (@BCCI) January 4, 2024
મેચના પ્રથમ દિવસે કુલ 23 વિકેટ પડી હતી…
કેપટાઉનમાં ( Cape Town ) રમાયેલી બીજી ટેસ્ટમાં દક્ષિણ આફ્રિકાએ પ્રથમ ટોસ જીતીને બેટિંગ કરવાનો નિર્ણય લીધો હતો, જે ટૂંક સમયમાં જ ખોટો સાબિત થયો હતો. જ્યારે આફ્રિકાની ટીમ પ્રથમ દાવમાં માત્ર 55 રનમાં ઓલઆઉટ થઈ ગઈ હતી. આ દરમિયાન મોહમ્મદ સિરાજે ભારત તરફથી સૌથી વધુ 6 વિકેટ લીધી હતી. આ સિવાય જસપ્રીત બુમરાહ અને મુકેશ કુમારે 2-2 વિકેટ લીધી હતી. ત્યારબાદ પ્રથમ દાવમાં બેટિંગ કરવા આવેલી ભારતીય ટીમ વધુ સમય સુધી ક્રિઝ પર ટકી શકી ન હતી અને 153 રનમાં ઓલઆઉટ થઈ ગઈ હતી.
આ સમાચાર પણ વાંચો : Russia Ukraine War: રશિયાના રાષ્ટ્રપતિએ આદેશ જારી કરી.. વિદેશીઓને આપી આ મોટી ઓફર.. પગાર પણ 100 ગણો થવાનો આદેશ.. બસ કરવુ પડશે આ કામ.
મેચના પહેલા જ દિવસે દક્ષિણ આફ્રિકા બીજા દાવમાં બેટિંગ કરવા ઉતર્યું હતું અને દિવસના અંત સુધીમાં તેણે પણ 3 વિકેટ ગુમાવી દીધી હતી. મેચના પ્રથમ દિવસે કુલ 23 વિકેટ પડી હતી. ત્યારપછી બીજા દિવસે ભારતે દક્ષિણ આફ્રિકાને બીજા દાવમાં 176 રનમાં આઉટ કરી દીધું હતું, જેમાં જસપ્રિત બુમરાહે 6 વિકેટ લીધી હતી. આફ્રિકાએ ભારતને 79 રનનો ટાર્ગેટ આપ્યો હતો, જેને ટીમ ઈન્ડિયાએ 12 ઓવરમાં 3 વિકેટ ગુમાવીને હાંસલ કરી લીધો હતો અને આમ ટીમ ઈન્ડિયાએ એક શાનદાર જીત મેળવી હતી…
સૌથી ટૂંકી ટેસ્ટ મેચોનો રેકોર્ડ (બોલની દ્રષ્ટિએ)
642 બોલ – દક્ષિણ આફ્રિકા વિ ભારત, કેપ ટાઉન, 2024 – ઈન્ડિયા વિરુદ્ધ દક્ષિણ આફ્રિકાની તાજેતરની મેચ
656 બોલ – ઓસ્ટ્રેલિયા વિરુદ્ધ દક્ષિણ આફ્રિકા, મેલબોર્ન, 1932
672 બોલ – વેસ્ટ ઈન્ડિઝ વિરુદ્ધ ઈંગ્લેન્ડ, બ્રિજટાઉન, 1935
788 બોલ – ઈંગ્લેન્ડ વિરુદ્ધ ઓસ્ટ્રેલિયા, માન્ચેસ્ટર, 1888
792 બોલ – ઈંગ્લેન્ડ વિ ઓસ્ટ્રેલિયા, લોર્ડ્સ, 1888.
