News Continuous Bureau | Mumbai
IPL 2024: IPLની સત્તરમી સિઝન શરૂ થવામાં હવે ગણતરીના દિવસો જ બાકી છે. આગામી માર્ચ મહિનામાં ક્રિકેટ ( Cricket ) જગતની સૌથી મોટી ક્રિકેટ લીગ રમાવા જઈ રહી છે. આઈપીએલનું સત્તાવાર શિડ્યુલ હજુ જાહેર થવા નું બાકી છે. પરંતુ IPL 2024 માર્ચના છેલ્લા સપ્તાહમાં ધમાકેદાર શરૂ થવાની સંભાવના છે. જોકે આ વખતે આઈપીએલ ટૂર્નામેન્ટ ભારતમાં યોજાશે કે કેમ તે અંગે શંકા વ્યક્ત કરવામાં આવી રહી છે. IPL 2024 ટૂર્નામેન્ટ યોજાવા જઈ રહી છે ત્યારે દેશમાં લોકસભાની ચૂંટણી ( Lok Sabha elections ) યોજાવાની શક્યતા છે.
આઈપીએલ ટૂર્નામેન્ટ ( IPL Tournament ) દરમિયાન દેશમાં લોકસભાની ચૂંટણીનો માહોલ
આઈપીએલ ટૂર્નામેન્ટ લગભગ બે મહિના સુધી રમાય છે. સામાન્ય રીતે આ મહિને લોકસભા ચૂંટણી 2024નો સમય હશે. વિવિધ તબક્કામાં યોજાનારી લોકસભાની ચૂંટણી મેના મધ્ય સુધી ચાલે તેવી શક્યતા છે. મતલબ કે સમગ્ર આઈપીએલ ટૂર્નામેન્ટ દરમિયાન દેશમાં લોકસભાની ચૂંટણીનો માહોલ જોવા મળશે.
વિદેશમાં 2009 આઈપીએલ
આ પહેલીવાર નથી જ્યારે આઈપીએલ દેશની બહાર યોજાઈ હોય. અગાઉ 2009માં લોકસભા ચૂંટણીના કારણે દક્ષિણ આફ્રિકામાં IPLનું આયોજન કરવામાં આવ્યું હતું. ત્યારબાદ 2014માં પણ લોકસભાની ચૂંટણીને કારણે ભારત અને UAEમાં IPL ટૂર્નામેન્ટ રમાઈ હતી. હવે ફરી એકવાર 2024ની લોકસભા ચૂંટણી અને IPL ટુર્નામેન્ટ એક જ સમય છે. આથી આ વર્ષે આઈપીએલ ટૂર્નામેન્ટ પણ દેશની બહાર યોજાય તેવી શક્યતા છે. જોકે આ સમાચાર અંગે સત્તાવાર પૃષ્ટિ થઇ શકી નથી..
આ સમાચાર પણ વાંચો : Ram Mandir: અયોધ્યામાં રામ મંદિરના પ્રાણ પ્રતિષ્ઠા મહોત્સવ પૂર્વે આયોજિત કલા સંસ્કૃતિ મહાકુંભમાં રાજકોટના કલાકાર દ્વારા પાણીમાં મેજિક રંગોળી અને પાણી ઉપર થ્રીડી રંગોળીનું સર્જન
દરમિયાન હવે સવાલ એ ઊભો થાય છે કે લોકસભાની ચૂંટણી વખતે IPLને બે વખત દેશની બહાર કેમ લઈ જવી પડી? તેની પાછળ ઘણા કારણો છે. સૌથી પહેલા તો આ IPL એક મોટી ટૂર્નામેન્ટ છે. આવી સ્થિતિમાં, સમગ્ર બે મહિના સુધી મેચો દરમિયાન મજબૂત સુરક્ષા વ્યવસ્થા કરવી પડશે. લોકસભાની ચૂંટણીને કારણે આ સુરક્ષા વ્યવસ્થાઓમાં થોડો ઘટાડો થવાની સંભાવના છે કારણ કે ચૂંટણી દરમિયાન પણ દેશભરમાં મોટા પાયે સુરક્ષા જવાનો તૈનાત હોય છે. ત્યારે ચૂંટણી વખતે વાતાવરણ ડહોળવાની ભીતિ સેવાઇ રહી છે. ચૂંટણી સમયે યોજાતી મેચોને કારણે કાયદો અને વ્યવસ્થામાં ઘણો બદલાવ લાવવાની જરૂર છે. આ જ કારણ છે કે આ બધાથી બચવા માટે IPL બે વખત ભારતની બહાર આયોજિત કરવી પડી.
