News Continuous Bureau | Mumbai
IPL 2024: મયંક યાદવની ઝડપી ગતિ અને સચોટ બોલિંગે ઈન્ડિયન પ્રીમિયર લીગ 2024માં બધાને પ્રભાવિત કર્યા છે. ભૂતપૂર્વ વર્લ્ડ નંબર-1 ફાસ્ટ બોલર કાગિસો રબાડા ( kagiso rabada ) પણ મયંક યાદવથી ઘણો પ્રભાવિત થયો હતો. દક્ષિણ આફ્રિકા અને પંજાબ કિંગ્સના ફાસ્ટ બોલર કાગીસો રબાડાએ નિવેદન આપતા કહ્યું હતું કે, તે આગામી ટી20 વર્લ્ડ કપમાં ભારતીય ટીમમાં મયંક યાદવને જોઈ રહ્યો છે. 21 વર્ષીય મયંક યાદવે IPL 2024માં પોતાના ધમાકેદાર બોલથી મોટી સંખ્યામાં લોકોના દિલ જીતી લીધા છે.
દિલ્હીના 21 વર્ષીય ફાસ્ટ બોલરે લખનૌ સુપરજાયન્ટ્સ ( lucknow super giants ) તરફથી રમતી વખતે રોયલ ચેલેન્જર્સ બેંગ્લોર સામે 156.7 કિમી પ્રતિ કલાકની ઝડપે બોલીંગ કરી રહ્યો હતો. મયંક યાદવની કારકિર્દીનો આ સૌથી ઝડપી બોલ હતો, જે હવે IPL 2024ની સિઝનનો સૌથી ઝડપી બોલ પણ બન્યો હતો. સૌથી મોટી વાત એ છે કે મયંક યાદવ પોતાની સ્પીડની સાથે સાથે લાઇન અને લેન્થ પર પણ બરાબર ધ્યાન આપી રહ્યો છે.
What a Pace 156.7kph#MayankYadav pic.twitter.com/wSrjwklaNQ
— Aashutosh pathak (@spathak81317822) April 3, 2024
યુવા ફાસ્ટ બોલર IPL ઈતિહાસનો પહેલો ખેલાડી છે જેણે ડેબ્યૂ કર્યા બાદ સતત બે મેચમાં પ્લેયર ઓફ ધ મેચનો ખિતાબ જીત્યો હતો. મયંક યાદવે ( Mayank Yadav ) વર્તમાન ટુર્નામેન્ટમાં માત્ર બે મેચ રમી અને છ વિકેટ ઝડપી હતી. રબાડાએ મિડીયા સાથે વાત કરતા કહ્યું હતું કે, “મયંક યાદવ પાસે કંઈક છે જે તમે ખરીદી શકતા નથી અને તે છે તેની સ્પીડ. તે તેનો ખૂબ સારી રીતે ઉપયોગ કરી રહ્યો છે.
આ સમાચાર પણ વાંચો : Taapsee pannu: લગ્ન ના વિડીયો બાદ તાપસી પન્નુ ની સંગીત સેરેમની નો વિડીયો થયો વાયરલ, આ ગીત પર ઠુમકા લગાવતી જોવા મળી અભિનેત્રી
તે જે લેંથથી બોલિંગ કરી રહ્યો છે, તેની યોજના સ્પષ્ટ છે: રબાડા..
રબાડાએ આગળ કહ્યું હતું કે, તે જે લેંથથી બોલિંગ ( Bowling ) કરી રહ્યો છે, તેની યોજના સ્પષ્ટ છે. હવે બેટ્સમેનોએ ધ્યાન રાખવાની જરૂર છે કે તે શું નવું લાવશે. પરંતુ તે સાચું છે કે તેની પાસે સારી ગતિ છે અને એવું લાગે છે કે તે જ્યાં ઇચ્છે ત્યાં બોલ ફેંકી શકે છે. જ્યારે તમારી પાસે ઝડપ અને નિયંત્રણ હોય અને તમે તમારી ભૂમિકાને સમજો. તેથી જ્યારે બધું સ્પષ્ટ છે તો આશ્વર્ય નહીં થાય કે આવુ પરફોરમન્સ જોવા મળશે.
મયંક યાદવના નામ પર હાલ જોરદાર ચર્ચા શરૂ થઈ ગઈ છે કે તેને T20 વર્લ્ડ કપમાં તક મળવી જોઈએ. આ વર્ષે જૂનમાં વેસ્ટ ઈન્ડિઝ અને અમેરિકા દ્વારા સંયુક્ત રીતે T20 વર્લ્ડ કપનું ( T20 World Cup ) આયોજન કરવામાં આવનાર છે. મયંક માત્ર બે મેચ રમ્યો છે, પરંતુ હેડલાઈન્સમાં તેની ચારેકોર ચર્ચા થઈ રહી છે. રબાડા પણ માને છે કે મયંકની અવગણના ન કરવી જોઈએ.
કાગિસો રબાડાએ વઘુમાં કહ્યું હતું કે, મયંક યાદવ અત્યારે શાનદાર ફોર્મમાં છે અને મને કોઈ શંકા નથી કે પસંદગીકારો તેના પર ધ્યાન આપશે. તેનામાં ક્ષમતા છે, પરંતુ મને ભારતીય ટીમની પસંદગી સાથે કોઈ લેવાદેવા નથી. મારી સમજ મુજબ મયંક યાદવ T20 વર્લ્ડ કપ રમવા આવી રહ્યો છે. સંભવતઃ તેની પસંદગી કરવામાં આવશે.-
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
