News Continuous Bureau | Mumbai
CSK vs SRH: ઈન્ડિયન પ્રીમિયર લીગ 2024ની 46મી મેચ જીતીને, મહેન્દ્ર સિંહ ધોનીએ ( Mahendra Singh Dhoni ) આઈપીએલના ઈતિહાસમાં એક નવો રેકોર્ડ બનાવ્યો છે. ટૂર્નામેન્ટની 46મી મેચ ચેન્નાઈના એમએ ચિદમ્બરમ સ્ટેડિયમમાં રવિવારે સાંજે 7.30 કલાકે ચેન્નાઈ સુપર કિંગ્સ અને સનરાઈઝર્સ હૈદરાબાદ વચ્ચે રમાઈ હતી. જેમાં CSKએ SRHને 78 રને હાર આપી હતી.
આ જીત સાથે, એક તરફ, CSKએ ( Chennai Super Kings ) જોરદાર છલાંગ લગાવી છે અને પોઈન્ટ ટેબલમાં ત્રીજા સ્થાન પર કબજો જમાવ્યો છે, તો બીજી તરફ, ટીમના ભૂતપૂર્વ કેપ્ટન એમએસ ધોનીએ એક એવું પરાક્રમ કર્યું છે જે આજ સુધી આઈપીએલમાં અન્ય કોઈ ખેલાડીએ કર્યું નથી અથવા કરી શક્યા નથી. વિરાટ કોહલી અને રોહિત શર્મા પણ આ રેકોર્ડ સુધી પહોંચી શક્યા નથી.
CSK vs SRH: SRH એ ટોસ જીતીને પહેલા બોલિંગ કરવાનો નિર્ણય કર્યો હતો…
વાસ્તવમાં, SRH સામેની શાનદાર જીત એમએસ ધોનીની આઈપીએલ કારકિર્દીની 150મી જીત બની ગઈ હતી અને ધોની આઈપીએલમાં ( IPL 2024 ) 150મી જીતનો ભાગ બનનાર વિશ્વનો પ્રથમ ખેલાડી બની ગયો હતો. અત્યાર સુધી રોહિત શર્મા અને વિરાટ કોહલી પણ આ આંકડાને સ્પર્શી શક્યા નથી. એમએસ ધોનીએ CSK સાથે 135 જીત અને રાઈઝિંગ પુણે સુપર જાયન્ટ માટે 15 જીતનો હિસ્સો બની રહ્યો છે. જો કે, IPL 2016 અને 2017માં CSK ટીમ પર પ્રતિબંધ મૂકવામાં આવ્યો હતો. આથી ધોની તે સમયે રાઇઝિંગ પુણે સુપર જાયન્ટનો ભાગ બન્યો હતો.
આ સમાચાર પણ વાંચો : Stock Market Opening: શેરબજારની શાનદાર શરૂઆત, સેન્સેક્સ 74,000 ની નજીક અને નિફ્ટી 22500 ની નજીક ખુલ્યો… આ શેરોમાં જોરદાર ઉછાળો..
જો આપણે CSK vs SRH મેચ વિશે વાત કરીએ, તો SRH એ ટોસ જીતીને પહેલા બોલિંગ કરવાનો નિર્ણય કર્યો હતો. ક્રિઝ પર બેટિંગ કરવા આવેલી ચેન્નાઈની ટીમે હૈદરાબાદને 20 ઓવરમાં 213 રનનો ટાર્ગેટ આપ્યો હતો. આ દરમિયાન ચેન્નાઈ તરફથી કેપ્ટન રૂતુરાજ ગાયકવાડે 98 રનની શાનદાર ઈનિંગ રમી હતી. તે જ સમયે, 20મી ઓવરમાં બેટિંગ કરવા આવેલા એમએસ ધોનીએ 2 બોલમાં એક ફોરની મદદથી 5 રન બનાવ્યા હતા.
તેજમ જીતવા માટેના 213 રનના લક્ષ્યાંકનો પીછો કરવા ઉતરેલી હૈદરાબાદની ( Sunrisers Hyderabad ) શરૂઆત સારી રહી ન હતી અને તેણે પ્રથમ બે ઓવરમાં બે વિકેટ ગુમાવી દીધી હતી. આ પછી ટીમ નિયમિત અંતરે વિકેટ ગુમાવતી રહી. પરિણામે હૈદરાબાદની ટીમ પૂરી 20 ઓવર પણ રમી શકી ન હતી અને 134 રન બનાવીને ઓલઆઉટ થઈ ગઈ હતી. તેથી ચેન્નાઈએ આ મેચ 78 રનથી જીતી લીધી હતી અને 10 પોઈન્ટ સાથે પોઈન્ટ ટેબલમાં ત્રીજા સ્થાને પહોંચી ગઈ હતી.
આઈપીએલમાં સૌથી વધુ મેચ જીતનાર ખેલાડીઓ
એમએસ ધોની – 150 જીત્યા
રવિન્દ્ર જાડેજા – 133 જીત્યા
રોહિત શર્મા – 133 જીત્યા
દિનેશ કાર્તિક – 125 જીત્યા
સુરેશ રૈના – 125 જીત.
