News Continuous Bureau | Mumbai
24 Season 3: બોલિવૂડના ‘ઝક્કાસ’ એક્ટર અનિલ કપૂર અત્યારે પોતાની ફિલ્મ ‘સુબેદાર’ ને લઈને ચર્ચામાં છે, પરંતુ આ દરમિયાન તેમણે પોતાના સૌથી લોકપ્રિય શો ’24’ ના સીઝન-૩ ની જાહેરાત કરીને ફેન્સને ચોંકાવી દીધા છે. સોશિયલ મીડિયા પ્લેટફોર્મ X પર એક ફેનની માંગણીનો જવાબ આપતા અનિલ કપૂરે લખ્યું, “જલ્દી આવી રહ્યો છું, 24 સાથે.” આ સમાચાર સામે આવતા જ સીરિઝના પ્રેમીઓમાં ભારે ઉત્તેજના જોવા મળી રહી છે.નોંધનીય છે કે ’24’ એ જ નામના અમેરિકન શોની સત્તાવાર હિન્દી રિમેક છે, જેની પ્રથમ બે સીઝન ખૂબ જ સફળ રહી હતી.
આ સમાચાર પણ વાંચો : Oscars 2026 Winners List: ઓસ્કાર 2026 માં આ ફિલ્મે મચાવી ધૂમ: એકસાથે જીત્યા અધધ આટલા એવોર્ડ, જાણો કઈ કેટેગરીમાં મારી બાજી અને ક્યાં ચૂકી ગઈ ફિલ્મ
કેવી હતી અગાઉની સીઝનની સફર?
આ સીઝનમાં ATU ચીફ જય સિંહ રાઠોડ (અનિલ કપૂર) પોતાના પરિવાર અને દેશના ભાવિ વડાપ્રધાન આદિત્ય સિંઘાનિયા (નીલ ભૂપાલમ) ને એક મોટા આતંકી હુમલાથી બચાવતા જોવા મળ્યા હતા. તેમની પાસે આ ષડયંત્રનો પર્દાફાશ કરવા માટે માત્ર ૨૪ કલાકનો સમય હતો.બીજી સીઝનમાં જય સિંહ રાઠોડ રિહેબ સેન્ટરથી બહાર આવ્યા બાદ મુંબઈમાં વાયરસ ફેલાવવાની ધમકી આપતા આતંકીઓ સામે લડતા જોવા મળ્યા હતા. આ સીઝનમાં સાક્ષી તંવર અને સુરવીન ચાવલા પણ મહત્વના રોલમાં હતા.
સીઝન-૩ ના પ્રી-પ્રોડક્શનનું કામ શરૂ થઈ ચૂક્યું હોવાનું મનાય છે. આ વખતે પણ વાર્તા ૨૪ કલાકના કાઉન્ટડાઉન પર આધારિત હશે. જોકે, હજુ સુધી એ સ્પષ્ટ નથી થયું કે સાક્ષી તંવર, સુરવીન ચાવલા કે સિકંદર ખેર જેવા જૂના કલાકારો આ સીઝનમાં પરત ફરશે કે નહીં. અભિનય દેવ દ્વારા નિર્દેશિત આ સિરીઝ એકવાર ફરીથી ટેન્શન અને રોમાંચના નવા સ્તરે લઈ જશે તેવી અપેક્ષા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
