News Continuous Bureau | Mumbai
સંજય પુરણ સિંહ ચૌહાણની ‘72 હુરે’ 7 જુલાઈએ સિનેમાઘરોમાં રિલીઝ થવાની છે. ગઈકાલેઆ ફિલ્મનું ટ્રેલર સોશિયલ મીડિયા પર રિલીઝ કરવામાં આવ્યું હતું. જેમાં આતંકવાદની અંધારી દુનિયાના સત્યને ઉજાગર કરવાનો પ્રયાસ કરવામાં આવ્યો છે કે કેવી રીતે વ્યક્તિનું આતંકવાદી બનવા માટે બ્રેઈનવોશ કરવામાં આવે છે. તમને જણાવી દઈએ કે જ્યારથી ‘72 હુરે’ ની જાહેરાત કરવામાં આવી છે, ત્યારથી તે વિવાદોનો હિસ્સો બની ગઈ છે. ધ કાશ્મીર ફાઇલ્સ અને ધ કેરળ સ્ટોરીની સફળતા બાદ તમામની નજર આ ફિલ્મ પર ટકેલી છે.
72 હુરે નું ટ્રેલર થયું રિલીઝ
7 જુલાઈના રોજ 72 હુરેની રિલીઝ પહેલા, નિર્માતાઓએ વિવાદાસ્પદ ફિલ્મનું ટ્રેલર સોશિયલ મીડિયા પર રિલીઝ કર્યું. આ ફિલ્મ અંગ્રેજી ઉપરાંત આસામી, બંગાળી, ભોજપુરી, કન્નડ, કાશ્મીરી, મલયાલમ, મરાઠી, પંજાબી, તમિલ અને તેલુગુ સહિત 10 સ્થાનિક ભાષાઓમાં રિલીઝ થવા જઈ રહી છે. 72 હુરે માં પવન મલ્હોત્રા હકીમ અલીના રોલમાં છે અને આમિર બશીર બિલાલ અહેમદના રોલમાં છે.
72 હુરે નો વિવાદ
72 હુરે ની રિલીઝ પહેલા સેન્સર બોર્ડે તેના ટ્રેલરને અનેક કારણો દર્શાવીને નકારી કાઢ્યું હતું. જોકે સીબીએફસીએ અગાઉ મંજૂરી આપી હતી અને ફિલ્મને લીલી ઝંડી આપી હતી. ટ્રેલર પર પ્રતિબંધ મૂક્યા પછી, ફિલ્મના નિર્માતાઓએ કહ્યું છે કે તેઓ હવે મદદ માટે ઉચ્ચ અધિકારીઓનો સંપર્ક કરશે. તેઓ માહિતી અને પ્રસારણ મંત્રાલયને પણ આ મામલે હસ્તક્ષેપ કરવા અને CBFCના ઉચ્ચ અધિકારીઓ સાથે પૂછપરછ કરવા વિનંતી કરશે.
આ સમાચાર પણ વાંચો : 72 હુરે: સેન્સર બોર્ડે ’72 હુરે ‘ના ટ્રેલરને પ્રમાણિત કરવાનો કર્યો ઇનકાર, ગુસ્સામાં અશોક પંડિતે કહી આ વાત
