રણબીર કપૂરે જાહેર કર્યું તેનું પરિણીત જીવનનું રહસ્ય- આલિયા ભટ્ટ સાથે લગ્ન કર્યા પછી કેવી રીતે બદલાઈ ગઈ અભિનેતા ની લાઈફ

 News Continuous Bureau | Mumbai

આલિયા ભટ્ટ અને રણબીર કપૂર આ દિવસોમાં લગ્નજીવનનો (Ranbir-Alia wedding)આનંદ માણી રહ્યા છે. બોલિવૂડ કપલે 14 એપ્રિલના રોજ એક ખાનગી સમારોહમાં લગ્ન કર્યા હતા. હવે આલિયા ભટ્ટ સાથે લગ્નના બંધનમાં બંધાયેલા રણબીર કપૂરે પોતાના લગ્ન જીવન (married life)વિશે વાત કરી છે. જેમ આપણે જાણીએ છીએ, બંનેની લવ સ્ટોરી આગામી ફિલ્મ બ્રહ્માસ્ત્રના સેટ પર શરૂ થઈ હતી. લગ્ન પહેલા આલિયા અને રણબીરે લગભગ 5 વર્ષ એકબીજાને ડેટ(date) કર્યા હતા.

હવે એક્ટર રણબીર કપૂરે કહ્યું કે લગ્ન પછી કોઈ મોટો બદલાવ આવ્યો નથી. અભિનેતાએ કહ્યું, 'આટલો મોટો કોઈ ફેરફાર નહોતો. અમે પાંચ વર્ષથી સાથે છીએ. અમે વિચાર્યું કે અમે લગ્ન કરીશું અને અમે કર્યું. પરંતુ અમારી કેટલીક પ્રતિબદ્ધતાઓ(commitment) પણ હતી. લગ્નના બીજા જ દિવસે અમે બંને કામ પર જવા નીકળ્યા. આલિયા તેના શૂટ માટે ગઈ હતી અને હું પણ મનાલી (Manali)ગયો હતો. જ્યારે તે લંડનથી(London) પાછી આવી ત્યારે મારી ફિલ્મ 'શમશેરા'ની તૈયારીઓ શરૂ થઈ ગઈ હતી. અમે એક અઠવાડિયાની રજા લેવાનું વિચારી રહ્યા છીએ. અમને હજુ પણ ખ્યાલ નથી આવ્યો કે અમે પરિણીત છીએ.'

આ સમાચાર પણ વાંચો : એઆર રહેમાનની દીકરીનું થયું લગ્નનું સંગીતમય રિસેપ્શન – મનીષા કોઈરાલા થી લઇ ને આ હસ્તી ઓ એ આપી હતી હાજરી-જુઓ ફોટોગ્રાફ્સ

તેમના બહુચર્ચિત લગ્નના દિવસોની અંદર, રણબીર અને આલિયા બંને તેમની પ્રતિબદ્ધતાઓને (commitment)પૂર્ણ કરવા માટે કામ પર પાછા ફર્યા છે. જ્યાં આલિયા તેના હોલીવુડ ડેબ્યુ પ્રોજેક્ટ (Hollywood debut)હાર્ટ ઓફ સ્ટોનના શૂટિંગ માટે અજ્ઞાત સ્થળે રવાના થઈ ગઈ છે. તે જ સમયે, રણબીર સંદીપ રેડ્ડી વાંગાની આગામી બોલિવૂડ ફિલ્મ એનિમલ (Animal)માટે મનાલી ગયો છે. જ્યારે રણબીરને તેની પત્નીની જેમ હોલીવુડમાં કારકિર્દી બનાવવાની તેની મહત્વાકાંક્ષા વિશે પૂછવામાં આવ્યું ત્યારે અભિનેતાએ કહ્યું, “મને  હોલીવુડના કોઈ સપનાં નથી. મને માત્ર બ્રહ્માસ્ત્રનાં (Brahmastra)સપનાં આવે છે. મને લાગે છે કે મૂળ સામગ્રી તમારી સંસ્કૃતિમાં છે અને તે મનોરંજન છે અને દરેક દર્શકોને સ્પર્શી શકે છે. નહિંતર, મને ઓડિશનથી પણ ખૂબ ડર લાગે છે. મેં ક્યારેય આલિયાની સફળતા અને સપના બીજા કોઈમાં જોયા નથી. હું જ્યાં છું ત્યાં ખુશ છું.’