News Continuous Bureau | Mumbai
બોલિવૂડ ના જાણીતા અભિનેતા આમિર ખાન ફિલ્મ ‘લાલ સિંહ ચઢ્ઢા’ ફ્લોપ થયા બાદથી ફિલ્મી દુનિયાથી દૂર છે. આમિર ખાનની ફિલ્મ બોક્સ ઓફિસ પર ખરાબ રીતે ફ્લોપ રહી હતી. જે બાદ આમિર ખાને ફિલ્મી દુનિયામાંથી બ્રેક લેવાનો નિર્ણય લીધો હતો. પરંતુ આમિર ખાનના ચાહકો ઇચ્છે છે કે તે મોટા પડદા પર પુનરાગમન કરે અને ફરી એકવાર ધૂમ મચાવે. આ પછી, આમિર ખાનની ફિલ્મ ‘3 ઈડિયટ્સ’ના બીજા ભાગ સાથે જોડાયેલા કેટલાક અહેવાલો સામે આવ્યા હતા. આ પછી હવે આમિર ખાનનું નામ એક બાયોપિક સાથે જોડવામાં આવી રહ્યું છે. તો આવો જાણીએ શું છે સમગ્ર મામલો.
બાયોપિક માં જોવા મળશે આમિર ખાન
બોલિવૂડના સૌથી ચર્ચિત અભિનેતાઓમાંના એક આમિર ખાને જ્યારથી ફિલ્મી દુનિયામાંથી બ્રેક લીધો છે ત્યારથી તેના ચાહકો તેના કમબેકની રાહ જોઈ રહ્યા છે. આમિર ખાને ‘લાલ સિંહ ચઢ્ઢા’ પછી કોઈ ફિલ્મમાં કામ કર્યું નથી. હવે આમિર ખાનનું નામ બાયોપિક સાથે જોડવામાં આવી રહ્યું છે. એક ન્યૂઝ પોર્ટલ ના રિપોર્ટ અનુસાર, આમિર ખાન અને રાજકુમાર હિરાની ફિલ્મમાં ફરીથી સાથે કામ કરવા જઈ રહ્યા છે. તે એક બાયોપિક હશે. રિપોર્ટમાં કહેવામાં આવી રહ્યું છે કે આમિર ખાને આ પ્રોજેક્ટમાં રસ દાખવ્યો છે. રિપોર્ટમાં વધુમાં કહેવામાં આવ્યું છે કે આ બાયોપિકનું શૂટિંગ આવતા વર્ષ એટલે કે 2024થી શરૂ થશે. જાણકારી માટે તમને જણાવી દઈએ કે રાજકુમાર હિરાણી આ દિવસોમાં શાહરૂખ ખાનની ફિલ્મ ‘ડંકી’ના શૂટિંગમાં વ્યસ્ત છે.
આ સમાચાર પણ વાંચો : Shahrukh khan :શાહરૂખ ખાન શૂટિંગ દરમિયાન અકસ્માતનો ભોગ બન્યો ન હતો, નાકની સર્જરીના સમાચાર નીકળ્યા ખોટા, નજીક ના સૂત્ર એ કર્યો ખુલાસો
આમિર ખાન અને રાજકુમાર હીરાની ની જોડી
આમિર ખાન અને રાજકુમાર હિરાનીની જોડી બોક્સ ઓફિસ પર હિટ સાબિત થઈ છે. આમિર ખાન અને રાજકુમાર હિરાનીએ પહેલીવાર 2009માં ‘3 ઈડિયટ્સ’માં સાથે કામ કર્યું હતું. ત્યારબાદ બંનેની જોડી ફિલ્મ ‘પીકે’માં સાથે જોવા મળી હતી. આ બંને ફિલ્મો બોક્સ ઓફિસ પર કમાણી કરવામાં સફળ રહી હતી. હવે જોવાનું એ છે કે આમિર ખાન અને રાજકુમાર હિરાનીની આગામી ફિલ્મનું શું થાય છે?
