News Continuous Bureau | Mumbai
Aamir Khan: બોલીવૂડના મિસ્ટર પરફેક્શનિસ્ટ આમિર ખાન એ તાજેતરમાં એક ઈન્ટરવ્યૂ માં ફિલ્મ ઇન્ડસ્ટ્રીના કેટલાક અભિનેતાઓની નીતિ પર સવાલ ઉઠાવ્યા છે. તેણે જણાવ્યું કે ઘણા અભિનેતાઓ પોતાના વ્યક્તિગત ખર્ચાઓ પણ નિર્માતાઓ પાસેથી ઉઠાવવાની અપેક્ષા રાખે છે – જેમાં ડ્રાઈવર , રસોઈયા, સ્પોટ બોય અને જીમ જેવી સુવિધાઓનો સમાવેશ થાય છે.
આ સમાચાર પણ વાંચો : Aamir Khan: આમિર ખાન ખોલશે ગુરુકુલ સ્ટાઇલ ફિલ્મ સ્કૂલ, બોલિવૂડ ના આ અભિનેતા નું મળ્યું સમર્થન
“અભિનેતાઓ કરોડો કમાય છે, છતાં…”
આમિર ખાનના જણાવ્યા મુજબ, “આજકાલના ઘણા અભિનેતાઓ પોતાના ડ્રાઈવર અને સ્પોટ બોય માટે પણ નિર્માતાઓ પાસેથી પૈસા માંગે છે. તેઓ પોતાના રસોઈયા માટે પણ પેમેન્ટ નિર્માતા પાસેથી કરાવે છે. આ તો એટલું છે કે હવે તો સેટ પર લાઈવ કિચન પણ રાખવામાં આવે છે અને તેનો ખર્ચ પણ નિર્માતા ઉઠાવે છે.” આમિરે કહ્યું કે, “આ નીતિ ફિલ્મ ઉદ્યોગ માટે ખૂબ જ દુઃખદ અને નુકસાનદાયક છે. કરોડો કમાવા છતાં જો વ્યક્તિગત જરૂરિયાતો માટે પણ નિર્માતા પર આધાર રાખવામાં આવે, તો એ શરમજનક છે.” તેણે નિર્માતાઓને સલાહ આપી કે તેઓ માત્ર ફિલ્મ સંબંધિત ખર્ચો – જેમ કે મેકઅપ, હેરસ્ટાઈલ અને કોસ્ચ્યુમ માટે જ જવાબદાર હોવા જોઈએ.
આમિર ખાને જણાવ્યું કે, “જ્યારે હું આઉટડોર શૂટિંગ પર જાઉં છું, ત્યારે મારા પરિવારના તમામ ખર્ચો હું પોતે ઉઠાવું છું.” તેમણે ઉદ્યોગના અન્ય કલાકારોને પણ આવી જ નીતિ અપનાવવાની સલાહ આપી છે. આમિરના આ નિવેદનથી ફિલ્મ ઉદ્યોગમાં ચર્ચા શરૂ થઈ ગઈ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
