News Continuous Bureau | Mumbai
Dhurandhar Movie| બોલિવૂડના જાણીતા નિર્દેશક આદિત્ય ધર તેમની સુપરહિટ ફિલ્મ ‘ધુરંધર’ અને તેની સિક્વલ ‘ધુરંધર ધ રિવેન્જ’’ ની જબરદસ્ત સફળતા બાદ હવે કંઈક નવું અને અલગ કરવાની તૈયારીમાં છે. અહેવાલો મુજબ, મેકર્સ હવે આ ફિલ્મની મેકિંગ અને તેની પાછળની આખી વાર્તા (BTS Behind The Scenes) ને એક સ્વતંત્ર ફિલ્મ તરીકે સિનેમાઘરોમાં રિલીઝ કરવાનું આયોજન કરી રહ્યા છે. ભારતીય સિનેમામાં આવો પ્રયોગ પ્રથમવાર જોવા મળશે.
શું હશે આ ફિલ્મમાં ખાસ?
આ સ્પેશિયલ ફિલ્મમાં દર્શકોને શૂટિંગના અત્યાર સુધી ન જોયેલા દ્રશ્યો, ફિલ્મ કેવી રીતે બની તેની ઝલક અને કલાકારોના એક્સક્લુઝિવ ઇન્ટરવ્યુ જોવા મળશે. સૌથી ખાસ વાત એ છે કે, રણવીર સિંહ અને અર્જુન રામપાલ જેવા મોટા સિતારાઓના ઇન્ટરવ્યુ પણ આ ફિલ્મમાં પહેલીવાર દર્શકો સામે આવશે. મેકર્સ આ તમામ ફૂટેજને એક ફુલ-લેન્થ ફીચર ફિલ્મમાં પરિવર્તિત કરી રહ્યા છે, જે ૨૦૨૬ ના અંત સુધીમાં રિલીઝ થઈ શકે છે.
આદિત્ય ધરનો અનોખો પ્રયોગ
આદિત્ય ધરની ટીમ અત્યારે કોઈ પણ પ્રકારના મીડિયા ઇન્ટરવ્યુ આપી રહી નથી, કારણ કે તેઓ ઈચ્છે છે કે દર્શકો આ તમામ માહિતી અને અનુભવ સીધો થિયેટરમાં જ માણે. સાથે જ, પ્રોડક્શન ટીમ એ વાતનું પણ ખાસ ધ્યાન રાખી રહી છે કે આ ‘મેકિંગ’ નો કોઈ પણ હિસ્સો સોશિયલ મીડિયા પર લીક ન થાય. મેકર્સ આ પ્રોજેક્ટને લઈને ખૂબ જ સાવધ છે, જેથી કરીને ચાહકોમાં આ ફિલ્મ માટે ઉત્સુકતા જળવાઈ રહે.
થિયેટર બાદ OTT પર રિલીઝ
આ ફીચર ફિલ્મ પહેલા સિનેમાઘરોમાં રિલીઝ કરવામાં આવશે અને ત્યારબાદ તેને OTT પ્લેટફોર્મ પર સ્ટ્રીમ કરવામાં આવશે. ભારતીય સિનેમામાં આ એક અત્યંત નવો અને ક્રાંતિકારી વિચાર છે, જ્યાં કોઈ ફિલ્મની ‘મેકિંગ’ ને અલગ ફિલ્મની જેમ મોટા પડદા પર બતાવવામાં આવશે. ‘ધુરંધર’ ના ચાહકો માટે આ એક મોટી ટ્રીટ સાબિત થઈ શકે છે.
👉 આ સમાચાર વાચો:
ડૉન 3’ માં કેમ પેદા થયો આટલો મોટો વિવાદ? રણવીર સિંહની નુકસાન ભરપાઈની ઓફરથી ફિલ્મ ઈન્ડસ્ટ્રીમાં ચર્ચા
