News Continuous Bureau | Mumbai
The Terror Report: બોલીવુડની જાણીતી પ્રોડ્યુસર એકતા કપૂરે પોતાની આગામી ફિલ્મ ‘ધ ટેરર રિપોર્ટ’ ની જાહેરાત કરીને સોશિયલ મીડિયા પર ખળભળાટ મચાવી દીધો છે. ‘ધ સાબરમતી રિપોર્ટ’ માં ગોધરા કાંડના સત્યને ઉજાગર કર્યા બાદ, હવે એકતા કપૂર પાકિસ્તાન ઓક્યુપાઈડ કાશ્મીર (POK) અને ત્યાં ચલાવવામાં આવેલા ગુપ્ત ઓપરેશન્સની વાર્તા દર્શકો સમક્ષ લાવશે.
આ સમાચાર પણ વાંચો : Dhurandhar 2 Viral Video: ‘ધુરંધર 2’ જોવા માટે યુવતીએ લગાવ્યો એવો જુગાડ કે જોઈને તમે પણ માથું ખંજવાળશો
ટીઝર વીડિયોમાં શું છે ખાસ?
એકતા કપૂરે શેર કરેલા એનાઉન્સમેન્ટ વીડિયોની શરૂઆત ‘ધ સાબરમતી રિપોર્ટ’ ની ઝલકથી થાય છે. વીડિયોમાં વડાપ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથના તે અંશો પણ સામેલ છે જેમાં તેમણે પાછલી ફિલ્મની પ્રશંસા કરી હતી. એકતાએ કેપ્શનમાં લખ્યું છે, “POK થી લઈને ઓપરેશન સિંદૂર સુધી, સત્ય તમારી કલ્પના કરતા પણ મોટું છે.” આ ફિલ્મ પહેલા કરતા વધુ નીડર, બોલ્ડ અને મજબૂત હોવાનો દાવો કરવામાં આવ્યો છે.
આ ફિલ્મ કોઈ કાલ્પનિક વાર્તા નથી, પરંતુ ૧૯૯૮ થી ૨૦૨૫ દરમિયાન POK ની આસપાસ બનેલી વાસ્તવિક ઘટનાઓ પર આધારિત હશે. પાકિસ્તાન ઓક્યુપાઈડ કાશ્મીરમાં આતંકવાદ અને ત્યાં ભારતીય એજન્સીઓ દ્વારા કરવામાં આવેલા મહત્વના ઓપરેશન્સ. ‘શેરશાહ’ જેવી સુપરહિટ વોર ફિલ્મ આપનાર ડાયરેક્ટર વિષ્ણુ વર્ધન આ થ્રિલર ફિલ્મનું નિર્દેશન કરશે.આ ફિલ્મમાં એકતા કપૂરની સાથે શોભા કપૂર, તનુજ ગર્ગ, અતુલ કસબેકર અને જાણીતા પત્રકાર સુધીર ચૌધરી નિર્માતા તરીકે જોડાયેલા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
