News Continuous Bureau | Mumbai
Ahaan Panday Film: વર્ષ ૨૦૨૫માં જ્યારે મોટા બજેટની ફિલ્મો બોક્સ ઓફિસ પર ફ્લોપ જઈ રહી હતી, ત્યારે અહાન પાંડેની ડેબ્યૂ ફિલ્મ ‘સૈયારા’ એ વિશ્વભરમાં ૫૭૦ કરોડનું બિઝનેસ કરીને સૌને ચોંકાવી દીધા હતા. આ સફળતા બાદ હવે અહાન પાંડે બોલિવૂડના સૌથી મોટા બેનર YRF સાથે પોતાની બીજી ફિલ્મની તૈયારીમાં લાગી ગયો છે. ખાસ વાત એ છે કે આ વખતે અહાન એક્શન-રોમાન્સ જોનરમાં જોવા મળશે અને તેનું નિર્દેશન બ્લોકબસ્ટર ડાયરેક્ટર અલી અબ્બાસ ઝફર કરી રહ્યા છે.
આ સમાચાર પણ વાંચો : Aakhri Sawaal’ Teaser Out: ઇતિહાસના પાનાઓમાંથી બહાર આવશે સત્ય! સંજય દત્તની ‘આખરી સવાલ’નું દમદાર ટીઝર રિલીઝ, ફેન્સ થયા રોમાંચિત
અલી અબ્બાસ ઝફરે સેટ પરથી ક્લેપ બોર્ડની તસવીર શેર કરી
ડાયરેક્ટર અલી અબ્બાસ ઝફરે સોશિયલ મીડિયા પર શૂટિંગના સેટ પરથી બે તસવીરો શેર કરીને ફેન્સને ખુશખબર આપી છે. તેમણે અહાન પાંડેની નવી ફિલ્મનું શૂટિંગ શરૂ થવાની પ્રથમ ઝલક બતાવી છે. શેર કરેલી તસવીરમાં YRF પ્રોડક્શન નંબર-૭૯ લખેલું ક્લેપ બોર્ડ જોવા મળે છે. જોકે, ફિલ્મનું ટાઈટલ હજુ સુધી જાહેર કરવામાં આવ્યું નથી, પરંતુ આ એક હાઈ-ઓક્ટેન એક્શન-રોમાન્સ ફિલ્મ હશે તે નક્કી છે. અલી અબ્બાસ ઝફર આ બેનર હેઠળ અગાઉ સલમાન ખાન સાથે ‘સુલ્તાન’ અને ‘ટાઈગર ઝિંદા હૈ’ જેવી ફિલ્મો આપી ચૂક્યા છે.
YRF ના આ અનટાઈટલ્ડ પ્રોજેક્ટમાં અહાન પાંડેની સાથે સ્ટાર પાવરનો પણ જોરદાર ઉમેરો થયો છે. અહેવાલો મુજબ, આ ફિલ્મમાં શરવરી વાઘ, ઐશ્વર્ય ઠાકરે અને વિલન તરીકે બોબી દેઓલ જેવા દમદાર કલાકારો સામેલ થયા છે. આદિત્ય ચોપરા આ ફિલ્મ દ્વારા અહાન પાંડેને એક પ્રોપર કોમર્શિયલ એક્શન હીરો તરીકે લોન્ચ કરવા માંગે છે. ‘સૈયારા’ માં અહાનના કામના વખાણ થયા બાદ, હવે એક્શન અવતારમાં તેની સ્ટાર અપીલ કેવી રહેશે તેના પર સૌની નજર છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
