News Continuous Bureau | Mumbai
Aishwarya Rai: ઐશ્વર્યા રાય બચ્ચન જ્યાં પણ જાય છે, ત્યાં ચાર ચાંદ લગાવી દે છે. તે સોશિયલ મીડિયા પર ઓછી એક્ટિવ રહે છે, પરંતુ જ્યારે પણ દેખાય છે, ત્યારે કોઈ મોટા ઈવેન્ટમાં જ જોવા મળે છે. હાલમાં ઐશ્વર્યા સાઉદી અરબમાં ચાલી રહેલા ‘રેડ સી ફિલ્મ ફેસ્ટિવલ’માં બ્લેક ગાઉન પહેરીને પહોંચી હતી. સોશિયલ મીડિયા પર તેની તસવીરો અને વીડિયો ખૂબ વાયરલ થઈ રહ્યા છે. ઐશ્વર્યાએ ઈવેન્ટમાં માત્ર પોતાના લુક્સથી જ નહીં, પરંતુ ઘણી અંગત વાતો પર ખુલીને વાત કરીને ચાહકોનું દિલ જીત્યું.
આ સમાચાર પણ વાંચો : Laalo Krishna Sada Sahaayate: ૪ કરોડના બજેટવાળી ગુજરાતી ફિલ્મે ૧૦૦ કરોડ કમાયા, બ્લોકબસ્ટર થતાં અચાનક આ ‘ભાગીદાર’ સામે આવતા થયો મોટો ધમાકો!
ઐશ્વર્યાએ જણાવ્યું કારણ
આરાધ્યા બચ્ચન હંમેશાં માતા ઐશ્વર્યા રાયનો હાથ પકડીને સ્પોટ થાય છે. ઐશ્વર્યાએ તેની પાછળનું કારણ જણાવ્યું. અભિનેત્રીએ કહ્યું, “જ્યારે આરાધ્યાનો જન્મ થયો, ત્યારે હું તેને ઈવેન્ટમાં લઈ ગઈ. ત્યાં મેં વિચાર્યું કે આરાધ્યાને પણ ગાઉન પહેરાવવો જોઈએ. પણ મેં તેને એટલા માટે ગાઉન ન પહેરાવ્યો કે તેના ફોટા ક્લિક થાય. પરંતુ એટલા માટે પહેરાવ્યો કારણ કે મારા માટે તે નાનકડી બાળકી છે જે પરીકથાઓની વાર્તાઓ વાંચશે.ઐશ્વર્યાએ આગળ કહ્યું, “મેં તે ડ્રેસ હંમેશાં તેને મારા માટે પહેરાવ્યો, જેથી તેના મનમાં એ વિચાર ન આવે કે મમ્મી ગાઉન કેમ પહેરી રહી છે. એક નાની બાળકી જે પોતાની માતાને ગાઉનમાં, વાળ બનાવેલા અને મેકઅપ સાથે જુએ છે. મેં તેની સાથે આ પરીકથાની રમત શરૂ કરી, પણ મારા માટે. મેં તેને પોતાની જેવી બનાવવા માટે આ કર્યું, જેથી તેને એવું ન લાગે કે તે અલગ છે.”
ઐશ્વર્યાએ જણાવ્યું કે જ્યારે-જ્યારે આરાધ્યાએ તેની સાથે ડ્રેસઅપ કર્યું, ત્યારે તેણે તેના વીડિયો બનાવ્યા, જે ખૂબ મનોરંજક છે, પણ તેણે ક્યાંય શેર કર્યા નથી. “એક બાજુ હું રેડ કાર્પેટ માટે તૈયાર થઈ રહી હોઉં અને બીજી બાજુ આરાધ્યા ગોળ-ગોળ ફરી રહી હોય.” પછી એક દિવસ એવું થયું કે આરાધ્યા તેની સાથે ચાલતી બહાર આવી અને તે સમયે તેણે મારો હાથ પકડેલો હતો. ઐશ્વર્યાએ કહ્યું, “મેં પણ તેનો હાથ ન છોડ્યો, કારણ કે મને દેખાઈ રહ્યું હતું કે તે તે ક્ષણને એન્જોય કરી રહી છે. તો ત્યારથી અમે બંને એકબીજાનો હાથ પકડીને ચાલીએ છીએ, જ્યાં પણ જઈએ છીએ, સાથે જઈએ છીએ. આ વાત સોશિયલ મીડિયા પર વાયરલ થઈ, અને તેના પર ઘણી રીલ્સ બની, પરંતુ મારા માટે તે મા-દીકરીનો એક મોમેન્ટ રહ્યો છે અને છે પણ.”
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
