News Continuous Bureau | Mumbai
Aishwarya Rai: બોલિવૂડ અભિનેતા અભિષેક બચ્ચને 5 ફેબ્રુઆરીના રોજ પોતાનો 50મો જન્મદિવસ ઉજવ્યો હતો. આ ખાસ અવસરે તેની પત્ની અને વિશ્વ સુંદરી ઐશ્વર્યા રાય બચ્ચને સોશિયલ મીડિયા પર એક અત્યંત ભાવુક અને સુંદર પોસ્ટ શેર કરીને તેને અભિનંદન પાઠવ્યા છે. ઐશ્વર્યાએ અભિષેકના બાળપણની એક દુર્લભ તસવીર શેર કરી છે.ઐશ્વર્યાએ ઈન્સ્ટાગ્રામ પર પોસ્ટ શેર કરતા લખ્યું, “હેપ્પી હેપ્પી 50મા જન્મદિવસની શુભેચ્છાઓ વહાલા બેબી પાપા. તમને ખૂબ પ્રેમ, શાંતિ, ખુશી, સંતોષ અને સારું સ્વાસ્થ્ય મળે. ગોલ્ડન રહો અને પ્રેમમાં હંમેશા ચમકતા રહો.” આ પોસ્ટમાં ઐશ્વર્યાએ અભિષેકને ‘બેબી પાપા’ કહીને સંબોધતા ફેન્સ પણ આ જોડી પર પ્રેમ વરસાવી રહ્યા છે.
આ સમાચાર પણ વાંચો : Alpha: અફવાઓથી સાવધ! આલિયા ભટ્ટની ‘Alpha’ ડાયરેક્ટ OTT પર રિલીઝ નથી થઈ રહી, મેકર્સે પ્લાનિંગ વિશે કર્યો મોટો ખુલાસો.
ઐશ્વર્યા અને અભિષેકની પર્સનલ લાઈફ
ઐશ્વર્યા રાય અને અભિષેક બચ્ચન ફિલ્મ ‘ગુરુ’ ના શૂટિંગ દરમિયાન એકબીજાના પ્રેમમાં પડ્યા હતા. વર્ષ 2007 માં અમિતાભ બચ્ચનના બંગલા ‘પ્રતીક્ષા’ ખાતે તેમના લગ્ન ખૂબ જ ભવ્ય રીતે થયા હતા. વર્ષ 2011 માં તેમણે દીકરી આરાધ્યાનું સ્વાગત કર્યું હતું. છેલ્લા કેટલાક સમયથી તેમના સંબંધોમાં અણબનાવની અફવાઓ ઉડી રહી હતી, પરંતુ આ પોસ્ટે તમામ ચર્ચાઓ પર પૂર્ણવિરામ મૂકી દીધું છે.
View this post on Instagram
થોડા સમય પહેલા આ કપલ દીકરી આરાધ્યાના સ્કૂલ એન્યુઅલ ફંક્શનમાં સાથે જોવા મળ્યું હતું. આ દરમિયાન ઐશ્વર્યાની માતા વૃંદા રાય અને અમિતાભ બચ્ચન પણ તેમની સાથે હતા. અભિષેકે પોતે પણ અગાઉ મીડિયા સામે અણબનાવની વાતોને નકારી કાઢી હતી. ઐશ્વર્યા મોટાભાગે દીકરી આરાધ્યા સાથે જ ઈવેન્ટ્સમાં જોવા મળે છે, જે તેમના મજબૂત બોન્ડિંગને દર્શાવે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
