News Continuous Bureau | Mumbai
Jolly LLB 3: અક્ષય કુમાર અને અર્શદ વારસી અભિનીત ‘જોલી એલએલબી 3’ (Jolly LLB 3) ફિલ્મ રિલીઝ પહેલા જ કાનૂની વિવાદમાં ફસાઈ ગઈ છે. પુણેની સિવિલ કોર્ટે બંને અભિનેતાઓને નોટિસ પાઠવી છે. ફરિયાદ મુજબ, ફિલ્મમાં ન્યાયવ્યવસ્થાની છબીને નુકસાન પહોંચાડે એવા સંવાદો અને દૃશ્યો દર્શાવવામાં આવ્યા છે. વકીલ વજીદ ખાન બિદકર અને ગણેશ મહાસ્કે દ્વારા દાખલ કરાયેલી ફરિયાદમાં જણાવાયું છે કે ફિલ્મમાં જજને “મામૂ” કહી સંબોધવામાં આવ્યો છે, જે ન્યાયિક વ્યવસ્થાનું અપમાન છે.
આ સમાચાર પણ વાંચો : Karishma Kapoor: શું સંજય કપૂરની મિલકતમાં કરિશ્મા કપૂરના બાળકોનો રહેશે હક્ક?બહેન મંધીરાએ આપી સ્પષ્ટતા
ફિલ્મના સંવાદો પર ઉઠ્યા પ્રશ્ન
ફરિયાદકર્તાઓના જણાવ્યા મુજબ, ફિલ્મમાં કોર્ટ અને કાનૂન જેવી ગંભીર સંસ્થાઓને હળવાશથી રજૂ કરવામાં આવી છે. આ પ્રકારના દૃશ્યો અને સંવાદો ન્યાયવ્યવસ્થાની પ્રતિષ્ઠાને નુકસાન પહોંચાડી શકે છે. ફિલ્મના નિર્માતાઓએ હજી સુધી આ મામલે કોઈ સત્તાવાર નિવેદન આપ્યું નથી.12મા જુનિયર સિવિલ જજ દ્વારા આ મામલાને ગંભીરતાથી લઈ અક્ષય કુમાર અને અર્શદ વારસી સહિત ફિલ્મની ટીમને નોટિસ પાઠવી છે. કોર્ટે સ્પષ્ટ કર્યું છે કે 28 ઓગસ્ટ 2025ના રોજ બંનેને હાજર થવું પડશે. ત્યારબાદ જ નક્કી થશે કે ફિલ્મની રિલીઝ અટકાવવામાં આવશે કે નહીં.
જોલી એલએલબી 3’નું દિગ્દર્શન સુભાષ કપૂર દ્વારા કરવામાં આવી રહ્યું છે. ફિલ્મ 19 સપ્ટેમ્બર 2025ના રોજ રિલીઝ થવાની છે. દર્શકોમાં ફિલ્મ માટે ઉત્સાહ છે, પરંતુ કાનૂની વિવાદ ના કારણે રિલીઝ પર સંશય ઊભો થયો છે. ફિલ્મમાં બંને અભિનેતાઓ વકીલની ભૂમિકા નિભાવી રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
