News Continuous Bureau | Mumbai
Akshay Kumar on Karisma Kapoor: અક્ષય કુમારના નવા શોમાં મહેમાન બનેલી કરિશ્મા કપૂરને અક્ષયે તેની પ્રોપર્ટી વિશે ચીડવતા કહ્યું કે, કપૂર પરિવાર પાસે બાંદ્રાની લગભગ દરેક બિલ્ડિંગમાં એક ફ્લેટ છે. અક્ષયે મજાકમાં ઉમેર્યું કે, આ લોકો એટલા પ્રામાણિક છે કે એક બિલ્ડિંગમાં એક જ ફ્લેટ લે છે જેથી બીજા લોકો માટે જગ્યા બચે!
આ સમાચાર પણ વાંચો : Satish Shah Padma Shri: દિવંગત અભિનેતા સતીશ શાહને મરણોત્તર ‘પદ્મશ્રી’! ‘ઇન્દ્રવદન સારાભાઈ’ ના સન્માનથી રત્ના પાઠક અને રૂપાલી ગાંગુલી થયા ભાવુક
‘K કપૂર’ ના નામે છે અનેક ફ્લેટ્સ?
અક્ષયે શો દરમિયાન ખુલાસો કર્યો કે બાંદ્રાની અનેક બિલ્ડિંગોના બોર્ડ પર માત્ર ‘K Kapoor’ લખેલું હોય છે. તેણે કહ્યું કે, “મેં જ્યારે કરિશ્માને પૂછ્યું કે આટલા બધા ફ્લેટ કેમ ખરીદો છો? ત્યારે તેણે જવાબ આપ્યો કે હવે અમારે સાન્ટાક્રુઝ અને ખારમાં પણ પ્રોપર્ટી લેવી છે.” અક્ષયના આ દાવા પર કરિશ્મા ખડખડાટ હસી પડી હતી અને આ વાતને માત્ર મજાક ગણાવી હતી.અક્ષયની મસ્તીનો જવાબ આપતા કરિશ્મા કપૂરે પણ વળતો પ્રહાર કર્યો હતો. તેણે હસતા હસતા કહ્યું કે, “તમે શું બોલો છો અક્ષય? બધા જાણે છે કે તમે તો આખું જુહુ (Juhu) ખરીદી લીધું છે.”
View this post on Instagram
અક્ષય કુમારે અગાઉ ‘ધ ગ્રેટ ઇન્ડિયન કોમેડી શો’ માં કરીના કપૂરને પણ આ જ રીતે ચીડવી હતી. ત્યારે અક્ષયે કહ્યું હતું કે, આ બે બહેનોએ આખા બાંદ્રા પર કબજો જમાવ્યો છે. જોકે, કપૂર સિસ્ટર્સ હંમેશા આ વાતોને હસીને ટાળી દે છે, પરંતુ અક્ષય વારંવાર આ વિષય છેડે છે તે જોતા ચાહકોને લાગે છે કે અક્ષયની મજાકમાં ક્યાંકને ક્યાંક તો સત્ય છુપાયેલું જ હશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
