News Continuous Bureau | Mumbai
Alpha New Release Date: આલિયા ભટ્ટ અને શરવરી વાઘની આગામી ફિલ્મ ‘આલ્ફા’ ની રિલીઝ ડેટમાં ફરી એકવાર ફેરફાર કરવામાં આવ્યો છે. યશરાજ ફિલ્મ્સના સ્પાય યુનિવર્સની આ પ્રથમ ફીમેલ લીડવાળી ફિલ્મ હોવાથી ચાહકોમાં ભારે ઉત્તેજના જોવા મળી રહી છે. અગાઉ આ ફિલ્મ ગયા વર્ષે ડિસેમ્બરમાં અને ત્યારબાદ 17 એપ્રિલ 2026 ના રોજ રિલીઝ થવાની હતી, પરંતુ મેકર્સ દ્વારા આજે સત્તાવાર રીતે નવી તારીખની જાહેરાત કરવામાં આવી છે. ‘આલ્ફા’ હવે 10 જુલાઈ 2026 ના રોજ મોટા પડદા પર રિલીઝ થશે.ફિલ્મ પાછી ઠેલવાનું મુખ્ય કારણ તેના વીએફએક્સ (VFX) નું કામ હોવાનું જણાવવામાં આવી રહ્યું છે. મેકર્સ વીએફએક્સ પર વધુ સમય ફાળવવા માંગે છે જેથી પ્રેક્ષકોને શાનદાર સિનેમેટિક અનુભવ મળી શકે.
આ સમાચાર પણ વાંચો : Amitabh Bachchan Ayodhya Property: અમિતાભ બચ્ચને અયોધ્યામાં ૨.૬૭ એકર જમીન ખરીદી, રામ મંદિરથી છે આટલી નજીક; જાણો કિંમત અને લોકેશન
નવા પોસ્ટરમાં આલિયાનો દમદાર લૂક અને સ્ટાર કાસ્ટની વિગતો
યશરાજ ફિલ્મ્સ દ્વારા ઇન્સ્ટાગ્રામ પર ‘આલ્ફા’ નું નવું પોસ્ટર શેર કરવામાં આવ્યું હતું. આ પોસ્ટરમાં આલિયા ભટ્ટના પાત્રની થોડી ઝલક જોવા મળે છે, જેમાં તેના ચહેરા અને હાથ પર ઇજાના નિશાન દેખાઈ રહ્યા છે, જે એક હાઈ-વોલ્ટેજ એક્શન ડ્રામા તરફ સંકેત કરે છે. આ ફિલ્મમાં આલિયા અને શરવરી ઉપરાંત અનિલ કપૂર અને બોબી દેઓલપણ મહત્વની ભૂમિકામાં જોવા મળશે. પોસ્ટરમાં સ્પષ્ટ લખ્યું છે, “10.07.26. ફક્ત સિનેમાઘરોમાં.”
View this post on Instagram
ફિલ્મ ‘આલ્ફા’ નું નિર્દેશન શિવ રવૈલ દ્વારા કરવામાં આવ્યું છે, જેઓ ‘ધ રેલ્વે મેન’ જેવા પ્રોજેક્ટ્સ માટે જાણીતા છે. ફિલ્મનું મોટાભાગનું શૂટિંગ કાશ્મીરના સુંદર લોકેશન પર કરવામાં આવ્યું છે. એવી ચર્ચાઓ છે કે ‘એનિમલ’ બાદ બોબી દેઓલ ફરી એકવાર આ ફિલ્મમાં મુખ્ય વિલન ના રોલમાં જોવા મળી શકે છે. અહેવાલો મુજબ, તેનું પાત્ર આલિયાના પાત્રને ટ્રેનિંગ આપશે અને બાદમાં તેનો કટ્ટર દુશ્મન બની જશે, જે જોવું ખૂબ જ રસપ્રદ રહેશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
