News Continuous Bureau | Mumbai
Amitabh Bachchan: બોલિવૂડના શહેનશાહ અમિતાભ બચ્ચને પોતાની દાયકાઓ જૂની રવિવારની પરંપરા તોડી નાખી છે. દર રવિવારે મુંબઈ સ્થિત તેમના ઘર ‘જલસા’ ની બહાર હજારો ચાહકો તેમની એક ઝલક મેળવવા ઉમટી પડતા હોય છે, પરંતુ આ રવિવારે (22 ફેબ્રુઆરી) બિગ બી ચાહકોને મળવા માટે બહાર આવ્યા નહોતા. આ સમાચારથી તેમના ચાહકોમાં નિરાશા જોવા મળી છે, જોકે અમિતાભે અગાઉથી જ બ્લોગ દ્વારા આ વિશે જાણકારી આપી દીધી હતી.પોતાના ટમ્બલર બ્લોગપર એક પોસ્ટ શેર કરતા અમિતાભ બચ્ચને ચાહકોને માહિતગાર કર્યા હતા કે તેઓ આ રવિવારે જલસાના ગેટ પર મુલાકાત માટે ઉપલબ્ધ રહેશે નહીં. આ પરંપરા બોલિવૂડની સૌથી પ્રતિષ્ઠિત ચાહક પરંપરાઓમાંથી એક માનવામાં આવે છે, જે લાંબા સમય પછી પહેલીવાર તૂટી છે. એક્ટર અને ચાહકો વચ્ચેના આ ભાવનાત્મક જોડાણને કારણે દર રવિવારે જલસાની બહાર મેળાવડો જામતો હોય છે.
આ સમાચાર પણ વાંચો : Aishwarya Rai: વહેલી સવારે ૫ વાગ્યે એવું તો શું થયું કે એશ્વર્યા રાય રડમસ થઈ ગઈ? મણિ રત્નમની ફિલ્મનું શૂટિંગ જ્યારે એક્ટ્રેસ માટે બન્યું માથાનો દુખાવો!
બ્લોગ પર શું લખ્યું અમિતાભ બચ્ચને?
અમિતાભે પોતાના બ્લોગમાં લખ્યું, “કામ પૂરા જોશ સાથે ચાલુ છે… પરંતુ દિવસના અંતે રવિવારની રજાનો આનંદ લેવા માટે એક ‘પણ’ આવી જાય છે… રવિવાર અહીં છે… પરંતુ અફસોસની વાત છે કે જલસાના ગેટ પર આ રવિવારે કંઈ નથી… તેથી તમારી આવવાની ઉર્જા બચાવી રાખો અને આપણે જલ્દી મળીશું… ત્યાં સુધી વિચારો અને શાંતિમાં રહો.” બિગ બીએ સ્પષ્ટ કર્યું કે તેઓ અત્યારે પોતાના કામમાં વ્યસ્ત છે અને થોડો આરામ ઈચ્છે છે.
View this post on Instagram
જોકે એક્ટરે કોઈ ચોક્કસ કારણ આપ્યું નથી, પરંતુ એવું જણાય છે કે સતત કામના પ્રોજેક્ટ્સ અને કમિટમેન્ટ્સ બાદ તેઓ થોડો સમય પોતાના માટે અને આરામ માટે ફાળવવા માંગે છે. તેમણે ચાહકો સાથે વચન આપ્યું છે કે તેઓ ટૂંક સમયમાં ફરીથી મુલાકાત શરૂ કરશે. તેમણે ચાહકોને વિનંતી કરી છે કે તેઓ અત્યારે પરેશાન ન થાય અને આવવાની તસ્દી ન લે. અમિતાભ બચ્ચન દર રવિવારે જલસાની બહાર ઉભેલા ચાહકોનું અભિવાદન ઝીલે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
