News Continuous Bureau | Mumbai
Amitabh bachchan on lakshadweep maldives controversy: તાજેતરમા પીએમ મોદી એ લક્ષદ્વીપ ની મુલાકાત લીધી હતી. ત્યારબાદ પીએમ મોદી એ એક પોસ્ટ શેર કરી હતી જેમાં લક્ષદ્વીપ બીચ ના સુંદર ફોટા હતા અને સાથે આ સાથે વડાપ્રધાને ચાહકોને લક્ષદ્વીપની મુલાકાત લેવા વિનંતી પણ કરી હતી. આના પર માલદીવના મંત્રી એ પીએમ મોદીની મજાક ઉડાવતી એક પોસ્ટ શેર કરી હતી અને આ સાથે તેમણે ભારતીયો પર દ્વેષપૂર્ણ અને વંશીય ટિપ્પણીઓ પણ કરી હતી.હવે માલદીવ અને લક્ષદ્વીપની સુંદરતાને લઈને ચર્ચા શરૂ થઈ ગઈ છે. જેને લઈને દેશની તમામ હસ્તીઓ સોશિયલ મીડિયા પર સતત પોતાની પ્રતિક્રિયા આપી રહી છે. સલમાન ખાન, અક્ષય કુમાર, જોન અબ્રાહમ બાદ હવે સદી ના મહાનાયક અમિતાભ બચ્ચને પણ પોસ્ટ શેર કરી ને પોતાની પ્રતિક્રિયા આપી છે.
અમિતાભ બચ્ચન ની પોસ્ટ
વાસ્તવમાં, અમિતાભ બચ્ચને શેર કરેલી પોસ્ટ ક્રિકેટર વિરેન્દ્ર સેહવાગની છે. વિરેન્દ્ર સેહવાગે હાલમાં જ તેના X (ટ્વિટર) એકાઉન્ટ પર લક્ષદ્વીપની તસવીરો શેર કરી હતી, જેમાં તેણે આ ટાપુ સમૂહની ખૂબ પ્રશંસા કરી હતી. વીરેન્દ્ર સેહવાગની આ જ પોસ્ટ શેર કરતા અમિતાભ બચ્ચને લખ્યું, ‘વીરુ પાજી… આ ખૂબ જ મહત્વપૂર્ણ છે અને આપણી પૃથ્વીની સાચી ભાવના સાથે સુસંગત છે. આપણો પોતાનો વારસો શ્રેષ્ઠ છે. હું લક્ષદ્વીપ અને આંદામાન ગયો છું અને ત્યાં અદ્ભુત સુંદર જગ્યાઓ છે. આશ્ચર્યજનક પાણી સાથે અંડરવોટર નો પણ અનુભવ છે. આપણે ભારત છીએ, આપણે આત્મનિર્ભર છીએ, આપણી આત્મનિર્ભરતાને નુકસાન ન પહોંચાડીએ. જય હિંદ.’
Viru paji .. this is so relevant and in the right spirit of our land .. our own are the very best .. I have been to Lakshadweep and Andamans and they are such astonishingly beautiful locations .. stunning waters beaches and the underwater experience is simply unbelievable ..
हम… https://t.co/NM400eJAbm— Amitabh Bachchan (@SrBachchan) January 8, 2024
બિગ બી દ્વારા શેર કરવામાં આવેલી આ પોસ્ટ ની ખુબ ચર્ચા થઇ રહી છે.
આ સમાચાર પણ વાંચો : Lakshadweep maldives controversy: પીએમ મોદી ની લક્ષદ્વીપ પોસ્ટ પર મચ્યો હંગામો ,#BoycottMaldives થઇ રહ્યું છે ટ્રેન્ડ, વડાપ્રધાન ના સમર્થન માં આવ્યા આ બોલિવૂડ કલાકાર
