News Continuous Bureau | Mumbai
Animal Park Update: વર્ષ 2023માં બોક્સ ઓફિસ પર ઈતિહાસ રચનાર રણબીર કપૂરની ફિલ્મ ‘એનિમલ’ હવે જાપાનમાં રિલીઝ થવાની તૈયારીમાં છે. આ દરમિયાન, ફિલ્મના ડાયરેક્ટર સંદીપ રેડ્ડી વાંગાએ મુંબઈમાં આયોજિત એક ઈવેન્ટમાં સિક્વલ ‘એનિમલ પાર્ક’ વિશે મોટો ખુલાસો કર્યો છે. વાંગાએ પુષ્ટિ કરી છે કે આ ફિલ્મનું શૂટિંગ 2027ના મધ્યમાં શરૂ થશે.
આ સમાચાર પણ વાંચો : Yeh Rishta Kya Kehlata Hai Update: YRKKH માં મોટો ધડાકો: 8 વર્ષના લીપ બાદ અભીરા-અરમાનની જિંદગી બદલાઈ; આ લોકપ્રિય કલાકાર શોને કહેશે અલવિદા
સંદીપ રેડ્ડી વાંગા નો ખુલાસો
સંદીપ રેડ્ડી વાંગાએ ઝૂમ કોલ દરમિયાન જણાવ્યું હતું કે, તેઓ તેમની વર્તમાન ફિલ્મ ‘સ્પિરિટ’ (પ્રભાસ સાથે) પૂર્ણ કર્યા બાદ તરત જ ‘એનિમલ પાર્ક’ પર કામ શરૂ કરશે. આ વખતે ફિલ્મમાં એક નહીં પણ અનેક ‘એનિમલ’ જોવા મળશે, કારણ કે વિલન અઝીઝ પણ રણવિજય જેવો જ ખૂંખાર છે. આથી જ ફિલ્મનું ટાઇટલ ‘એનિમલ પાર્ક’ રાખવામાં આવ્યું છે.આ સિક્વલની સૌથી મોટી વિશેષતા એ છે કે રણબીર કપૂર માત્ર હીરો રણવિજય સિંહ જ નહીં, પણ વિલન અઝીઝનો (Aziz) રોલ પણ પોતે જ ભજવશે. રણબીરે આ વિશે વાત કરતા કહ્યું કે, “એક અભિનેતા તરીકે મારા માટે આ ખૂબ જ પ્રેરણાદાયક છે. સંદીપના મગજમાં પાર્ટ-2 ની વાર્તા પાર્ટ-1 ના શૂટિંગ દરમિયાન જ સ્પષ્ટ હતી. હું રણવિજય અને અઝીઝ બંને પાત્રોને ફરીથી જીવવા માટે આતુર છું.”
Not just #AnimalPark, is #SandeepReddyVanga planning a part 3 of #Animal too?https://t.co/urdIZac5CS
— BollyHungama (@Bollyhungama) February 4, 2026
ફિલ્મના પહેલા ભાગના અંતમાં બતાવવામાં આવ્યું હતું કે અઝીઝે પ્લાસ્ટિક સર્જરી દ્વારા પોતાનો ચહેરો રણવિજય જેવો બનાવ્યો છે. હવે બીજા ભાગમાં બે ભાઈઓ જેવા દેખાતા પાત્રો વચ્ચેની લોહીયાળ લડાઈ જોવા મળશે. આ વખતે રણબીર કપૂરનું પાત્ર પહેલા કરતા વધુ ડાર્ક અને ઊંડું હશે તેવા સંકેત સંદીપ વાંગાએ આપ્યા છે. રશ્મિકા મંદાના અને તૃપ્તિ ડિમરી પણ આ વાર્તાનો ભાગ રહેશે તેવી અપેક્ષા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
