News Continuous Bureau | Mumbai
રૂપાલી ગાંગુલી અને ગૌરવ ખન્ના સ્ટારર શો અનુપમા સતત દર્શકોની પસંદ છે. શોમાં આવનારા ટ્વિસ્ટ દર્શકોને જકડી રાખે છે. અનુપમા તેની શરૂઆતથી જ TRP ચાર્ટમાં નંબર વન પર રહી છે અને આજે કોઈ શો તેને તે સ્થાનેથી હલાવી શક્યો નથી. લોકો આ શોના દરેક પાત્રને પસંદ કરે છે. જોકે, સમાચાર સામે આવ્યા છે કે શોમાં વનરાજની બહેન ડોલીનું પાત્ર ભજવનાર એકતા સરૈયાએ શોને અલવિદા કહી દીધું છે.
ડોલી બેન એટલે કે એકતા સરૈયા એ છોડ્યો અનુપમા શો
એક ન્યૂઝ પોર્ટલ ના અહેવાલ મુજબ, અભિનેત્રીએ ટાઈમ ના અભાવે શો છોડી દીધો છે. હકીકતમાં, મીડિયા સાથે વાત કરતી વખતે, અભિનેત્રીએ પોતે આ વાતની પુષ્ટિ કરી છે. એકતાએ કહ્યું, “હું હવે અનુપમાનો ભાગ નથી. એક જ સમયે બે શોનો ભાગ બનવું મારા માટે શારીરિક રીતે અશક્ય હતું કારણ કે એક શો નું ટેલિકાસ્ટ 7 દિવસનું છે. તેથી મારે અનુપમાને અલવિદા કહેવું પડ્યું, પરંતુ મેં આ શોમાં ઘણી બધી સારી યાદો બનાવી છે, હું ખૂબ જ ખુશ છું કે મને ડોલીની ભૂમિકા ભજવવાની તક મળી. આ તક માટે હું DKPનો આભારી છું. હવે આગળ વધવાનો સમય આવી ગયો છે પરંતુ હું આ શો ને મિસ કરીશ અને હું દરેકના પ્રેમ માટે આભારી છું.” તમને જણાવી દઈએ કે અનુપમા બાદ હવે એકતા સરૈયા શો ‘ક્યૂંકી સાસ મા બહુ બેટી હોતી હૈ’માં જોવા મળશે.
આ સમાચાર પણ વાંચો : India Today Post Poll Survey 2019: સર્વે પોલમાં થયો મોટો ખુલાસો…આ ત્રણ રાજ્યોમાં PM પદ માટે રાહુલ ગાંધી છે પહેલી પસંદ.. જાણો PM મોદીને કેટલા વોટ મળ્યા…
