News Continuous Bureau | Mumbai
લોકો ટીવી સિરિયલો વિશે વાત કરે છે કે આ લોકો એક એપિસોડ માટે કેટલા મોંઘા કપડાં અને ઘરેણાં લે છે. સિરિયલ માં તેઓ લહેંગા અને હેવી સાડીમાં જોવા મળે છે. દરેકના મનમાં સવાલ છે કે આ એક્ટ્રેસ રોજ આટલા ભારે કપડામાં શૂટિંગ કેવી રીતે કરતી હશે. ટીવી શો ‘અનુપમા’માં બરખા કાપડિયાનું પાત્ર ભજવનાર આશ્લેષા સાવંતે હવે આ તમામ સવાલોના જવાબ એક વીડિયો દ્વારા આપ્યા છે. આશ્લેષાનો આ વીડિયો જોઈને તમારું મન બે મિનિટ માટે સુન્ન થઈ જશે.
આશ્લેષા સાવંતે ખોલી પોલ
આશ્લેષાએ તેના ઇન્સ્ટાગ્રામ સ્ટોરીઝ પર એક વીડિયો શેર કર્યો છે જેમાં તે ભારે લહેંગામાં ‘અનુપમા’ના સેટ પર જોવા મળી રહી છે. એવું લાગે છે કે આ તે દિવસનો વીડિયો છે જ્યારે ટીમે સમર અને ડિમ્પીના લગ્નનું શૂટિંગ કર્યું હતું. આ વિડિયોમાં, આશ્લેષાએ અચાનક તેના લહેંગાને સહેજ બાજુએ કર્યો, પછી નીચે એક મિની સ્કર્ટ દેખાય છે. મતલબ કે લહેંગાનો ઘેરાવો માત્ર આગળ હતો પાછળનો નહીં. પછી તે પીઠનો શ્રગ ઉપાડીને લોકોની શંકા દૂર કરે છે અને ખાતરી કરે છે કે આ ડ્રેસીસ જેટલા મોંઘા અને ભારે દેખાય છે હકીકત માં તે હોતા નથી.
She is really fun 😍😂#anupama #AnujKapadia #Anupmaa #anupamaa pic.twitter.com/DI25Tnl8vv
— pali (@guddi_1) May 31, 2023
વીડિયો જોઈ લોકો ને આવ્યું હસું
હવે આ વીડિયો તમામ સોશિયલ મીડિયા પ્લેટફોર્મ પર છવાઈ ગયો છે. આ વીડિયો એટલો ફની છે કે લોકો તેને જોઈને ચોંકી જાય છે અને હસવા પણ લાગે છે. આ સાથે આ લોકો આશ્લેષા સાવંતના ફની સ્વભાવના પણ વખાણ કરી રહ્યા છે. કેટલાક લોકો કમેન્ટ્સમાં અભિનેત્રીને કહી રહ્યા છે કે પોલ ખોલવા પર તેને ઠપકો આપવામાં આવશે, જ્યારે અન્ય લોકો આ વીડિયો શેર કરવા બદલ તેનો આભાર માની રહ્યા છે.
આ સમાચાર પણ વાંચો: પહેલા લગ્ન માટે એક છોકરી ના પણ હતા વાંધા, હવે પોપટલાલ માટે આવ્યા બે છોકરી ના માંગા, તારક મહેતા નો નવો પ્રોમો જોઈ ચાહકો થયા નારાજ
